Maryja Pieŭčych prapanavała źniać z Rasii sankcyi ŭ abmien na vyzvaleńnie palitviaźniaŭ
Jana abmoviłasia, što možna było b źniać sankcyi z čaho-niebudź ci kaho-niebudź.
U efiry jutub-kanała «Papularnaja palityka» ŭ Maryi Pieŭčych, kiraŭnicy Fondu baraćby z karupcyjaj i byłoj paplečnicy Navalnaha, spytali, ci pojdzie Pucin jašče raz na abmien palitviaźniami z Zachadam.
Pieŭčych adkazała, što nie viedaje, ci budzie jašče taki farmat, ci jość naohuł «bank špijonaŭ», jakich Rasija złaviła dla abmienu.
«Ja ščyra liču, što palitzekaŭ u dadzienaj situacyi, uličvajučy, što paŭtary tysiačy ŭžo jak minimum (…), možna mianiać na sankcyi, na častkovaje źniaćcio sankcyj z čaho-niebudź, z kaho-niebudź.
(…) Moža być, heta maralnaja dylema, ale dla mianie jana nieskładanaja, i kali b možna było takija scenary abhavorvać, mnie padajecca, što tut čałaviečaje žyćcio našmat bolš kaštoŭnaje, čym niejkija sankcyi, jakija možna było b źniać», — vykazała jana svajo mierkavańnie.
Niekatoryja ŭkrainskija ekśpierty aburylisia takoj pazicyjaj. Palitołah Piatro Alaščuk napisaŭ u fejsbuku:
«Toje, što sankcyi nakładalisia za ahresiju suprać Ukrainy, jaje nie mocna chvaluje. Jak i toje, što ŭ rasijskim pałonie dahetul znachodzicca vielizarnaja kolkaść ukrainskich hramadzian, jaje nie chvaluje. Hadami, u niečałaviečych umovach.
Schiema šykoŭnaja tym, što, kali jaje ŭziać na ŭzbrajeńnie, to možna źniać z raški ŭsie sankcyi. Tamu što patencyjnaja kolkaść «palitykaŭ» tam amal biaźmiežnaja. Źniać bieź źmieny rasijskaj palityki i pakarańnia za ahresiju.
U hetym, ułasna, i sens isnavańnia «libieralnaj apazicyi» — prasoŭvańnie na Zachadzie paźbiahańnia adkaznaści dla rasijskaha impieryjalizmu».
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary