Paŭabaronca «Čełsi» i zbornaj Ukrainy Michaił Mudryk akazaŭsia pad pahrozaj dyskvalifikacyi.
U kastryčniku hetaha hoda 23-hadovy futbalist zdaŭ stanoŭčy test na zabaronienyja preparaty, piša ŭkrainskaja «Trybuna».
U kancy kastryčnika ŭ Mudryka ŭziali dopinh-test, u sprobie «A» jakoha vyjavili zabaronienaje rečyva. Pavodle infarmacyi błohiera Michaiła Śpivakoŭskaha, havorka idzie pra mieldonij, jaki taksama viadomy jak miłdranat.
Pakul nieviadomy vynik adkryćcia proby «B». Heta pavinny zrabić u najbližejšyja dni. Paśla hetaha stanie zrazumieła, ci pahražaje vinhieru zbornaj Ukrainy i «Čełsi» dyskvalifikacyja i, kali tak, to nakolki praciahłaja. Tearetyčna futbalistu pahražaje da čatyroch hadoŭ dyskvalifikacyi, jak Polu Pahba, jakuju potym źmienšyli.
Paźniej Mudryk prakamientavaŭ situacyju: «Ja paćviardžaju, što było paviedamlena, što ŭzor, jaki ja pradastaviŭ FA (Futbolnaj fiederacyi Anhlii), utrymlivaŭ zabaronienaje rečyva.
Heta stała dla mianie poŭnym šokam, pakolki ja nikoli śviadoma nie ŭžyvaŭ nijakich zabaronienych rečyvaŭ i nie parušaŭ nijakich praviłaŭ, i ja ciesna supracoŭničaju sa svajoj kamandaj, kab rasśledavać, jak heta mahło adbycca.
Ja viedaju, što nie zrabiŭ ničoha drennaha, i pa-raniejšamu spadziajusia, što chutka viarnusia na pole. Ciapier ja nie mahu skazać bolš z-za pryvatnaści pracesu, ale zrablu heta, jak tolki zmahu».
Michaił Mudryk pierajšoŭ u «Čełsi» z farmalna danieckaha «Šachciora» ŭ studzieni 2023 hoda za 100 młn jeŭra z ulikam bonusaŭ), što stała samym darahim prodažam z ukrainskaj premjer-lihi i «Šachciora», samym darahim zimovym tranśfieram u historyi anhlijskaj premjer-lihi na toj momant, a taksama zrabiła Mudryka samym darahim ukrainskim futbalistam.
Z hetaha času zhulaŭ za «Čełsi» 53 hulni, zabiŭ 5 miačoŭ.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary