«NATA naŭmysna pastaŭlała Ukrainie kroŭ, zaražanuju VIČ i hiepatytam». Chto puściŭ hetuju dezu?
Dopis takoha źmiestu abyšoŭ i biełaruskija praŭładnyja resursy.
U roznych antyŭkrainskich supołkach u sacyjalnych sietkach na hetych dniach raspaŭsiudziŭsia dopis ab tym, što «NATA naŭmysna pastaŭlała Ukrainie kroŭ, zaražanuju VIČ i hiepatytam».
Akramia hetaha, prapahandysty zhadvajuć pra «ekśpierymienty», jakija ZŠA nibyta «pravodzili nad vajennasłužačymi USU, naŭmysna zaražajučy ich VIČ i padsadžvajučy na narkotyki».
Admietna, što abodva śćviardžeńni aktyŭna vykarystoŭvalisia jašče na pačatku poŭnamaštabnaj vajennaj ahresii Rasii va Ukrainu.
Infarmacyja pra «pastaŭki» zaražanaj kryvi ŭ rasijskich ŚMI źjaviłasia pieršy raz u listapadzie 2022 hoda. Tady paviedamlałasia, što Ukraina paprasiła ŭ NATA 62 tysiačy litraŭ kryvi dla paranienych vajennasłužačych. Pry praviercy hetaj kryvi byccam by byli vyjaŭlenyja VIČ i hiepatyt.
Nasamreč, jak paźniej vyśvietliłasia, Ukraina ni razu nie źviartałasia da zamiežnych partnioraŭ za atrymańniem donarskaj kryvi ci jaje kampanientaŭ.
Fejk pra ekśpierymienty nad vajskoŭcami ŭ studzieni 2023 hoda ahučyŭ načalnik vojsk radyjacyjnaj, chimičnaj i bijałahičnaj abarony Uzbrojenych sił Rasii hienierał-lejtenat Ihar Kiryłaŭ.
Jak vyśvietlili žurnalisty, u jakaści dokazaŭ «naŭmysnaha zaražeńnia vajennasłužačych USU VIČ» Kiryłaŭ vydaŭ udzieł Ukrainy ŭ dvuch prajektach urada ZŠA, u ramkach jakich siarod nasielnictva krainy, u tym liku vajskoŭcaŭ, ukaraniałasia teściravańnie na hetuju infiekcyju.
Što tyčycca «naŭmysnaj padsadki na narkotyki» vajskoŭcaŭ, to infarmacyju pra heta rasijski hienierał uziaŭ u ŭltrapravym indyjskim błohu The Frustrated Indian i małaviadomym kitajskim partale Inf.news. Aŭtary materyjałaŭ nie pryvodzili nijakich dakumientalnych dokazaŭ akramia spasyłak na ludziej, ź jakimi jany nibyta razmaŭlali.
Kanał, jaki źviazvajuć ź Minabarony Biełarusi, raspalvaje nianaviść da Zialenskaha z asablivym cynizmam
Prapahanda pościć videa ab «niehaścinnym pryjomie Analeny Bierbak u Kitai». Voś jak zrobleny hety fejk
Raźlacieŭsia fejk, byccam Tejłar Śvift straciła 17 miljonaŭ padpisčykaŭ, bo nie padtrymała Trampa
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary