Departamient dziaržbiaśpieki Litvy: Znachodžańnie Vieramiejčyka na terytoryi krainy ŭjaŭlała pahrozu nacyjanalnaj biaśpiecy
Ministr unutranych spraŭ zajaviła, što Departamient dziaržaŭnaj biaśpieki pavinien rastłumačyć, na jakoj padstavie jon rekamiendavaŭ nie dazvalać ujezd u Litvu eks-kalinoŭcu.
Departamient dziaržaŭnaj biaśpieki Litvy, zajaviŭ, što znachodžańnie vydadzienaha Vjetnamam Biełarusi eks-kalinoŭca Vasila Vieramiejčyka na terytoryi krainy ŭjaŭlała pahrozu nacyjanalnaj biaśpiecy, paviedamlaje LRT.
«Zhodna z abhruntavanaj acenkaj Departamienta dziaržaŭnaj biaśpieki, znachodžańnie hetaj asoby ŭ Litvie ŭjaŭlała b pahrozu nacyjanalnaj biaśpiecy», — havorycca ŭ kamientaryi DDB, pieradadzienym u čaćvier ahienctvu BNS.
«Taksama nielha vyklučać, što sproby źniešniaha ŭmiašańnia z metaj eskałacyi hetaj historyi mohuć być čarhovaj infarmacyjnaj apieracyjaj, nakiravanaj suprać Litvy», — dadali ŭ viedamstvie.
Razam z tym ministr unutranych spraŭ Ahnie Biłatajcie zajaviła, što Departamient dziaržaŭnaj biaśpieki pavinien rastłumačyć, na jakoj padstavie jon rekamiendavaŭ nie dazvalać ujezd u Litvu Vasilu Vieramiejčyku
«Heta było rašeńnie Departamienta mihracyi, pryniataje z ulikam infarmacyi, pradstaŭlenaj Departamientam dziaržaŭnaj biaśpieki», — skazała jana žurnalistam u čaćvier.
Ministr padkreśliła, što Departamient mihracyi prymaje rašeńni ab pryjomie zamiežnikaŭ u Litvu, a taksama ab vydačy abo anulavańni dazvołu na žycharstva na padstavie źviestak, pradstaŭlenych litoŭskimi śpiecsłužbami.
Biłatajcie nie zmahła ŭdakładnić, ci było rašeńnie nie dazvalać ujezd u krainu Vasilu Vieramiejčyku źviazana ź jaho byłoj słužbaj u biełaruskaj armii.
«Mahčyma, było bolš infarmacyi, a moža, i nie było, heta ich kampietencyja, jany mahli b udakładnić i pradstavić svaje arhumienty, tuju infarmacyju, jakuju jany mohuć pradstavić publična», — skazała ministr.
«U DDB jość inšyja instrumienty i srodki, jany pavinny prakamientavać infarmacyju, jakaja jość u ich rasparadžeńni, i na jakoj padstavie jany dali takuju rekamiendacyju», — skazała jana.
«Pa-ŭsiakamu byvaje. Tak dziaržava vyrašyła, tak zrabiła». Litoŭskija čynoŭniki prakamientavali spravu Vieramiejčyka
«Niahledziačy na sposab lehalizacyi, treba paznačać i pratesnuju dziejnaść». Jurkonis pra situacyju ź Vieramiejčykam
U Vilni projdzie akcyja ŭ padtrymku Vasila Vieramiejčyka
Abjavili zbor na padtrymku Vasila Vieramiejčyka
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary
Ždiem, Kohda tichanovskaja podast žałobu v jevropiejskij sud v Briuśsiel. Jeśli ona eto nie sdiełajet, ona biespovorotno naš nacionalnyj vrah
Biełarusy v Jevropie vychoditie k posolstvam Litvy.