Rasija naniesła masiravany ŭdar pa Ukrainie — rakietami i bieśpiłotnikami. Jość zahinułyja
Pad udaram adnačasova niekalki abłaściej i Kijeŭ.
Rasijskija vojski ad samaj ranicy niadzieli nanosiać masiravany ŭdar pa Ukrainie. Jany zapuścili šmat rakiet roznych typaŭ i dronaŭ-kamikadze.
Zapusk rakiet z rasijskich stratehičnych bambavikoŭ Tu-95MS u kirunku Ukrainy byŭ zafiksavany ŭ 05:42. Pry hetym manitorynhavyja hrupy paviedamlali, što kolkaść samalotaŭ składała 17, piša «RBK-Ukraina».
Akramia taho, jašče ź viečara ŭ pavietranaj prastory Ukrainy byli zafiksavanyja ŭdarnyja bieśpiłotniki (papiarednie typu «Šachied»), jakija rasijanie zapuskali niekalkimi hrupami i chvalami ŭsiu noč.
Užo ranicaj stała viadoma pra zapuski kryłatych rakiet marskoha bazavańnia «Kalibr» z akvatoryi Čornaha mora. Miž tym u VMS USU infarmavali, što ranicaj u Čornym mory znachodzilisia 4 rasijskija rakietanoscy z ahulnym załpam da 24 rakiet «Kalibr».
Paźniej byŭ zafiksavany zapusk balistyki na Krapiŭnicki, kryłataj rakiety na Kijeŭ. Taksama vajskoŭcy USU paviedamili pra ruch rakiet u bok šerahu abłaściej.
Paźniej u Pavietranych siłach zajavili pra zapuski aerabalistyčnych rakiet «Kinžał» z Tambova. Jany, u pryvatnaści, nakiroŭvalisia ŭ bok Charkava, Kramiančuha i Kijeva. Va ŭkrainskich haradach čuvać vybuchi, u Adesie častkova źnikła elektryčnaść, pracujuć SPA.
U Mikałajevie ŭ vyniku ataki «šachiedaŭ» zahinuli dźvie žančyny, paviedamiŭ kiraŭnik vobłaści Vital Kim. Jašče čatyry darosłyja i dvoje dziaciej atrymali ranieńni, adno dzicia było špitalizavana.
Kiraŭnik Minenierha Ukrainy Hierman Hałuščanka adznačyŭ, što Rasija atakuje abjekty hienieracyi i pieradačy elektraenierhii pa ŭsioj krainie.
Jon paviedamiŭ u svaim Facebook, što apieratar sistemy pieradačy terminova ŭvioŭ režym ekstranych adklučeńniaŭ elektraenierhii.
«Adbyvajecca čarhovaja masiravanaja ataka na enierhasistemu… Dzie mahčyma, ratavalniki i enierhietyki ŭžo pracujuć nad likvidacyjaj nastupstvaŭ», — dadaŭ čynoŭnik.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary
Zvanok Pynie – słabaść Ameryki. Usio jak i było ŭ časy Tehierana, kali baryha Ruzvelt tupa źliŭ usiu Uschodniuju i Centralnuju Eŭropu. Ale atvietka abaviazkova budzie. Nie sumniavajciesia.
11 kh kaštuje 44młn. $-zusim svobodna u prodažy!
Treba dać simietryčny adkaz pa enerhietyčnaj sistemie rasiejskaha Tambova. I Maskvy.