U rasijskaj pravincyi hledačy nie zachacieli iści na kancert «Hojda». Vykanaŭcy pakryŭdzilisia
Kancerty kaliści papularnaha hurta «Alisa» z prezientacyjaj novaha alboma z havarkoj nazvaj «Hojda» ŭ Jekaciarynburhu, Piermi i Novasibirsku było vyrašana admianić z-za nizkich prodažaŭ kvitkoŭ. Pra heta paviedamili ŭ telehram-kanale hurta pad kiraŭnictvam Kanstancina Kinčava, ale zrabili heta biez pavahi.
«Tak, pavažanyja, spravy iduć mienavita tak. Śmiejem vykazać zdahadku, što mierapryjemstvy typu «Chity, lepšaje, lubimaje…» i h. d. prakacili b u vas ź vialikim entuzijazmam, ale, prabačcie, pa zamovach nie hrajem. Tak što — adna sucelnaja «Hojda». U pramym i pieranosnym… Nie chočacie — nie treba», — havorycca ŭ tekście paviedamleńnia.
Muzyki paviedamili, što kancerty ŭ Jekaciarynburhu, Piermi i Novasibirsku pieranosiacca na krasavik 2025 hoda, adnak vykazali sumnieŭ u tym, što i hetyja mierapryjemstvy adbuducca.
«Pahladzim na stan z prodažami da viasny i vyrašym, ci jechać nam u hetyja harady ŭ pryncypie», — zajavili jany.
Pry hetym muzyki «Alisy» zajavili, što, maŭlaŭ, mahli b «abmiežavacca prezientacyjami ŭ Maskvie i Sankt-Pieciarburhu», adnak u takim vypadku jaho ŭdzielnikam daviałosia b «adbivacca ad pytańniaŭ» pra toje, čamu jany nie naviedvajuć inšyja harady.
«Jedzieš u horad N — kvitki nie pradajucca. Karaciej, dumajcie. I my padumajem. My razam, tak by mović», — padsumavali jany.
U 2022 hodzie lidar «Alisy» Kanstancin Kinčaŭ padtrymaŭ rasijskuju armiju, zajaviŭšy, što molicca «za Chrystovaje vojska». Pavodle jahonaha mierkavańnia, vajennyja dziejańni va Ukrainie — heta «pa sutnaści hramadzianskaja vajna, dzie adny całkam lahli za piačeńki i trusiki pad anhłasaksonskuju razvodku, inšyja ž adstojvajuć svaju tysiačahadovuju historyju i svoj suvierenny šlach pad pokryvam Praśviatoj Baharodzicy».
Raniej paviedamlałasia pra admienu ŭ haradach Urała kancertaŭ śpievaka Shaman (Jarasłava Dronava), jakuju miascovyja ŚMI taksama tłumačyli nizkim popytam na kvitki. Praŭda, dyrektar artysta tłumačyŭ admienu «techničnymi pryčynami».
Jak Z-śpiavak Šaman adkazaŭ na paproki, čamu «ruski patryjot» karystajecca amierykanskimi telefonami i niamieckimi mašynami
«Paśla repietycyj płača pa načach». Śpiavačka Asijat Sajhidava syhraje Rahniedu ŭ rasijskaj etna-opiery z Šamanam
YouTube zabłakavaŭ kanały Z-śpievaka Šamana i inšych rasijskich praŭładnych vykanaŭcaŭ
ES uvioŭ sankcyi suprać BRSM, a taksama rasijskich śpievakoŭ Šamana i Paliny Haharynaj
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Kamientary