У расійскай правінцыі гледачы не захацелі ісці на канцэрт «Гойда». Выканаўцы пакрыўдзіліся
Канцэрты калісьці папулярнага гурта «Аліса» з прэзентацыяй новага альбома з гаваркой назвай «Гойда» ў Екацярынбургу, Пермі і Новасібірску было вырашана адмяніць з-за нізкіх продажаў квіткоў. Пра гэта паведамілі ў тэлеграм-канале гурта пад кіраўніцтвам Канстанціна Кінчава, але зрабілі гэта без павагі.
«Так, паважаныя, справы ідуць менавіта так. Смеем выказаць здагадку, што мерапрыемствы тыпу «Хіты, лепшае, любімае…» і г. д. пракацілі б у вас з вялікім энтузіязмам, але, прабачце, па замовах не граем. Так што — адна суцэльная «Гойда». У прамым і пераносным… Не хочаце — не трэба», — гаворыцца ў тэксце паведамлення.
Музыкі паведамілі, што канцэрты ў Екацярынбургу, Пермі і Новасібірску пераносяцца на красавік 2025 года, аднак выказалі сумнеў у тым, што і гэтыя мерапрыемствы адбудуцца.
«Паглядзім на стан з продажамі да вясны і вырашым, ці ехаць нам у гэтыя гарады ў прынцыпе», — заявілі яны.
Пры гэтым музыкі «Алісы» заявілі, што, маўляў, маглі б «абмежавацца прэзентацыямі ў Маскве і Санкт-Пецярбургу», аднак у такім выпадку яго ўдзельнікам давялося б «адбівацца ад пытанняў» пра тое, чаму яны не наведваюць іншыя гарады.
«Едзеш у горад N — квіткі не прадаюцца. Карацей, думайце. І мы падумаем. Мы разам, так бы мовіць», — падсумавалі яны.
У 2022 годзе лідар «Алісы» Канстанцін Кінчаў падтрымаў расійскую армію, заявіўшы, што моліцца «за Хрыстовае войска». Паводле ягонага меркавання, ваенныя дзеянні ва Украіне — гэта «па сутнасці грамадзянская вайна, дзе адны цалкам ляглі за пячэнькі і трусікі пад англасаксонскую разводку, іншыя ж адстойваюць сваю тысячагадовую гісторыю і свой суверэнны шлях пад покрывам Прасвятой Багародзіцы».
Раней паведамлялася пра адмену ў гарадах Урала канцэртаў спевака Shaman (Яраслава Дронава), якую мясцовыя СМІ таксама тлумачылі нізкім попытам на квіткі. Праўда, дырэктар артыста тлумачыў адмену «тэхнічнымі прычынамі».
Як Z-спявак Шаман адказаў на папрокі, чаму «рускі патрыёт» карыстаецца амерыканскімі тэлефонамі і нямецкімі машынамі
«Пасля рэпетыцый плача па начах». Спявачка Асіят Сайгідава сыграе Рагнеду ў расійскай этна-оперы з Шаманам
YouTube заблакаваў каналы Z-спевака Шамана і іншых расійскіх праўладных выканаўцаў
ЕС увёў санкцыі супраць БРСМ, а таксама расійскіх спевакоў Шамана і Паліны Гагарынай
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары