My jašče zmožam atrymlivać asałodu ad kastryčnickaha sonca, adnak vosieńskija antycykłony mohuć ździvić načnymi tumanami i navat hałalodami.
Na nastupnym tydni Biełaruś čakajuć pryjemnyja naviny pra nadvorje. Na praciahu bolšaści dzion u Biełarusi buduć daminavać antycykłony, jakija nie dazvalajuć cykłaničnym vichram prynieści niepahadź. Vierahodnaść apadkaŭ istotna źnizicca, raspavioŭ sinoptyk Dźmitryj Rabaŭ na ANT.
U pačatku tydnia nadvorje budzie vyznačać antycykłon, jaki zabiaśpiečyć pieramiennuju vobłačnaść biez apadkaŭ. Nočču i ranicaj u niekatorych miescach mahčymy tuman i słaby hałalod. Unačy tempieratura pavietra składzie -3°C … +3°C, a ŭdzień u paniadziełak +11°C … +15°C, u aŭtorak +12°C… +16°C.
Siaredzina tydnia budzie adznačana vobłaściu vysokaha atmaśfiernaha cisku, praź jakuju projdzie słaby atmaśfierny front, jaki, chutčej za ŭsio, pryniasie nievialikija karotkačasovyja daždžy. Tempieratura nočču składzie ad + 3°C da + 8°C, na praciahu dnia padymiecca da + 12°C… +15 ° C.
Papiarednie, u pačatku druhoj pałovy tydnia nadvorje budzie pad upłyvam novaha antycykłonu z centram nad Biełaruśsiu. Tempieratura ŭnačy składzie ad + 2°C da +7°C, z zamarazkami da -3°C u niekatorych rajonach. Udzień u čaćvier čakajecca + 11° C … +14°C, a ŭ piatnicu + 8°C … +11°C.
U apošnija vychodnyja kastryčnika nas čakaje pieramiennaja vobłačnaść. Istotnych daždžoŭ nie pradbačycca. Unačy tempieratura budzie vahacca ad +1°C da + 6°C, miescami mahčymyja zamarazki da -2°C. U siaredzinie dnia ŭ subotu čakajecca +11°C… +14°C, a ŭ niadzielu tempieratura składzie ad +9°C da +15°C.
Ciapier čytajuć
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary
Pajechaŭ ja ŭčora na Poŭnač, na dva vychodnyja dni, kilometraŭ 250-300. Adlehłaść niby j nievialikaja, da polusa daloka, ale tam zaŭždy značna chaładniej, navat letam. Pryjemna ździviŭsia, ubačyŭšy tysiačy tych ptušak, adpačyvajučych na ŭžo zialonych palach azimaha rapsa. To bok, jany jašče pralatuć nad majoj chataj, jana ž u ich majakom słužyć. Latuć dakładna nad joju, a ja byŭ ź imi raźvitaŭsia ŭžo, tydzień tamu...
A lebiedzi navat pakłažu nie źbirali, nie śpiašajucca ŭ tuju Afryku, zusim, kormiacca na vodmielach tam, sabraŭšysia u mnostva asobnych hurtkoŭ.
Što b heta značyła ? Ci varta spadziavacca, što marazy zatrymajucca z nadychodam, a zima nia budzie suvoraj ?