Мы яшчэ зможам атрымліваць асалоду ад кастрычніцкага сонца, аднак восеньскія антыцыклоны могуць здзівіць начнымі туманамі і нават галалёдамі.
На наступным тыдні Беларусь чакаюць прыемныя навіны пра надвор'е. На працягу большасці дзён у Беларусі будуць дамінаваць антыцыклоны, якія не дазваляюць цыкланічным віхрам прынесці непагадзь. Верагоднасць ападкаў істотна знізіцца, распавёў сіноптык Дзмітрый Рабаў на АНТ.
У пачатку тыдня надвор'е будзе вызначаць антыцыклон, які забяспечыць пераменную воблачнасць без ападкаў. Ноччу і раніцай у некаторых месцах магчымы туман і слабы галалёд. Уначы тэмпература паветра складзе -3°C … +3°C, а ўдзень у панядзелак +11°C … +15°C, у аўторак +12°C… +16°C.
Сярэдзіна тыдня будзе адзначана вобласцю высокага атмасфернага ціску, праз якую пройдзе слабы атмасферны фронт, які, хутчэй за ўсё, прынясе невялікія кароткачасовыя дажджы. Тэмпература ноччу складзе ад + 3°C да + 8°C, на працягу дня падымецца да + 12°C… +15 ° C.
Папярэдне, у пачатку другой паловы тыдня надвор'е будзе пад уплывам новага антыцыклону з цэнтрам над Беларуссю. Тэмпература ўначы складзе ад + 2°C да +7°C, з замаразкамі да -3°C у некаторых раёнах. Удзень у чацвер чакаецца + 11° C … +14°C, а ў пятніцу + 8°C … +11°C.
У апошнія выходныя кастрычніка нас чакае пераменная воблачнасць. Істотных дажджоў не прадбачыцца. Уначы тэмпература будзе вагацца ад +1°C да + 6°C, месцамі магчымыя замаразкі да -2°C. У сярэдзіне дня ў суботу чакаецца +11°C… +14°C, а ў нядзелю тэмпература складзе ад +9°C да +15°C.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы1
Каментары
Паехаў я ўчора на Поўнач, на два выходныя дні, кілёмэтраў 250-300. Адлегласьць нібы й невялікая, да полюса далёка, але там заўжды значна халадней, нават летам. Прыемна зьдзівіўся, убачыўшы тысячы тых птушак, адпачываючых на ўжо зялёных палях азімага рапса. То бок, яны яшчэ пралятуць над маёй хатай, яна ж у іх маяком служыць. Лятуць дакладна над ёю, а я быў зь імі разьвітаўся ўжо, тыдзень таму...
А лебедзі нават паклажу не зьбіралі, не сьпяшаюцца ў тую Афрыку, зусім, кормяцца на водмелях там, сабраўшыся у мноства асобных гурткоў.
Што б гэта значыла ? Ці варта спадзявацца, што маразы затрымаюцца з надыходам, а зіма ня будзе суворай ?