Nazvanyja try samyja papularnyja muziei Biełarusi — usie jany źviazany z vajnoj
Mirski i Niaśvižski zamki ŭ top-3 nie ŭvajšli.
Bresckaja krepaść stała samym naviedvalnym muziejnym kompleksam Biełarusi. Takija źviestki pa stanie na kaniec minułaha hoda pryvioŭ Biełstat.
U trojcy samych papularnych muziejaŭ krainy pa viersii čynoŭnikaŭ taksama akazalisia miemaryjalny kompleks Chatyń» i muziej historyi Vialikaj Ajčynnaj vajny ŭ Minsku.
Pavodle źviestak Biełstata, biełaruskija muziei ŭ 2023 hodzie naviedali 7,6 miljona čałaviek, što na 13,6% bolš, čym u 2022 hodzie. Usiaho ŭ krainie 156 muziejaŭ — ź ich 100 kompleksnych, 39 histaryčnych, 11 mastackich, 4 litaraturnych i pa adnym pryrodaznaŭčym i navukova-techničnym.
U Biełarusi 5683 abjekty histaryčnaj i kulturnaj spadčyny. Bolš za ŭsio siarod ich pomnikaŭ archieałohii — 2226.
U spravazdačy da Dnia rabotnika kultury Biełstat ahučyŭ i siaredni zarobak u hetaj halinie. U studzieni-žniŭni 2024 hoda jon skłaŭ 1314 rubloŭ da vyliku padatkaŭ.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ150
Kamientary