Hramadstva33

Minkultury zaviarnuła prajekt patryjatyčnaha łahiera na terytoryi Bresckaj krepaści

Budaŭničaja aktyŭnaść na terytoryi krepaści mahła pieraškodzić Bresckaj krepaści trapić u śpis Suśvietnaj spadčyny JUNIESKA.

Prajekt pierabudovy. Novy fasad całkam zakryvaŭ histaryčny budynak. Fota: Vajenprajekt

Ministerstva kultury nie padtrymała prajekt rekanstrukcyi, raspracavany instytutam «Vajenprajekt», jaki padparadkoŭvajecca Ministerstvu abarony Biełarusi.

Pra heta ŭ svaim tyktoku paviedamiŭ brescki prarasijski aktyvist Piotr Picko. Jon z paplečnikami taksama vystupaŭ suprać prajekta, ale pa svaich pryčynach — bo «zamiest abjekta ruskaj fartyfikacyi źjavicca budynak u styli, jaki nahadvaje polski kanstruktyvizm». Prarasijskija dziejačy asabliva pieražyvali za naściennuju vyjavu pieršaha himna SSSR, jaki prasłaŭlaje Stalina.

Pra płany stvaryć u Bresckaj krepaści Respublikanski centr patryjatyčnaha vychavańnia zajaviŭ ministr abarony Viktar Chrenin u listapadzie 2020 hoda, kali byli zadušany pratesty i pačałasia prasavieckaja ideałahičnaja pierabudova Biełarusi.

Pad novy ideałahičny prajekt patryjatyčnaha centra ŭ pačatku vieraśnia 2023 hoda Ministerstva kultury Biełarusi admysłova źmianiła rehłamienty achovy krepaści.

Frahmient schiemy zon achovy krepaści z kaziematami tenalnaha frontu. U vieraśni 2023 hoda ŭ zony achovy ŭnieśli źmianieńni, kab stvaryć patryjatyčny centr. Fota: Prajekt zon achovy Bresckaj krepaści

U novym prajekcie zon achovy dazvolili stvareńnie spartyŭnych placovak i zbudavańniaŭ, rekanstrukcyju budynka kuchni-stałovaj «z pavieličeńniem płoščy zabudovy i zachavańniem isnujučaj vyšyni hetaha budynka», a taksama dazvolili źmianić histaryčnuju płanirovačnuju strukturu dla budaŭnictva inžynierna-transpartnaj infrastruktury pad centr patryjatyčnaha vychavańnia moładzi.

Bolš rańni prajekt rekanstrukcyi kazarmaŭ nie praduhledžvaŭ kardynalnaha źmianieńnia abličča pomnika. Fota: sajt Vajenprajekta

Pieršapačatkova prajekt rekanstrukcyi kazarmaŭ nie praduhledžvaŭ kardynalnaha źmianieńnia abličča pomnika. Ale paśla prajekciroŭščyki «Vajenprajekta» adčuli poŭnuju svabodu: zaprajektavali pierad adzinym fasadam kaziemataŭ tenalnaha frontu krepaści jašče novy fasad, pavialičyŭšy karysnuju płošču. 

Novy fasad całkam zakryvaŭ histaryčny budynak. Fota: Vajenprajekt

Kaziematy, pabudavanyja ŭ 1864 hodzie ŭ vale kala Kanstancinaŭskaj (Paŭnočna-Zachodniaj) bramy, heta hrupa z 20 asobnych pamiaškańniaŭ, pierakrytych cylindryčnymi sklapieńniami i zasypanych ziamloj. Nie ŭsie kaziematy złučalisia pamiž saboj, jany byli padzieleny na čatyry siekcyi z asobnymi ŭvachodami. Mienavita hety fakt uskładniaŭ rekanstrukcyju zbudavańnia pad novyja patreby.

Interjer novaj prybudovy. Źleva kolišni fasad kazarmy, u jakim aŭtentyčnyja ścieny chočuć zamianić vialikimi vitražami. Fota: Vajenprajekt

Novaje prajektnaje rašeńnie «Vajenprajekta» dvojčy parušała zakon. Pa-pieršaje, dla jaho realizacyi prapanoŭvali razabrać aŭtentyčnyja fasady pomnika architektury i ŭstavić zamiest ich šklanyja vitražy. Pa-druhoje, novy fasad zakryvaŭ stary, a Kodeks ab kultury adnaznačna zabaraniaje stvarać vizualnyja pieraškody dla ŭsprymańnia historyka-kulturnych kaštoŭnaściej.

Śpiecyjalisty ŭ śfiery achovy spadčyny vykazvali zaściarohi, što ciapierašniaje Ministerstva kultury, jakoje tak lohka zaćvierdziła źmianieńnie rehłamientaŭ achovy na pomniku 0-j katehoryi, hetak ža lohka ŭzhodnić i adstupleńnie ad svajho asnoŭnaha pravavoha dakumienta dziela ideałahičnych patreb.

Ale, mahčyma, na rašeńnie viedamstva paŭpłyvaŭ toj fakt, što ŭviesnu Bresckaja krepaść razam z Mamajevym kurhanam była ŭniesiena Rasijaj u składzie naminacyi «Miemaryjały hierojam Vialikaj Ajčynnaj vajny» ŭ papiaredni śpis Suśvietnaj spadčyny JUNIESKA.

Budaŭničaja aktyŭnaść na terytoryi krepaści mahła b pieraškodzić atrymańniu vysokaha statusu — i daviałosia rasstaŭlać pravilnyja pryjarytety pamiž dvuma ideałahičnymi prajektami.

«Naša Niva» — bastyjon biełaruščyny

PADTRYMAĆ

Kamientary3

  • Acab
    30.09.2024
    Rejtynhi biurakratyčnych parazytaŭ pryšli ŭ supiarečańnie i kałhasnyja skarylisia rajonnym
  • Mch
    30.09.2024
    Biełarusi nie chapaje dekamunizacyi i desavietyzacyi. A ŭsiakich prarasiejskich aktyvistaŭ - treba pieššu da rasiejkaj miažy za 12 hadzin z dapamohaj tankaŭ vyhnać.
  • Symon
    30.09.2024
    Dy budujcie ŭžo tam usio, što chočacie, bo nichto ŭsio roŭna nie abvieścić rasiejkuju fartecyju pomnikam Juneska. Tym bolej što ŭvieś tyj miemaryjał pabudavany na mitach saŭkovaj prapahandy. Nia toje, kab supracivu Bieraściejskaj krepaści ŭ červieni 1941 uvohule nie było, ale jahonyja upartaść, masštab, tryvałaść i upłyŭ na chod vajny byli mocna pierabolšanyja i raśpijaranyja z metaj, kab aćciahnuć ŭvahu publiki ad vielmi niazručnaha dla savietaŭ pytańnia - čamu čyrvonaja armija ŭpieršyniu spyniła niemcaŭ tolki praz 5 miesiacaŭ paśla nacysckaha napadu na SSSR i ažno na akolicach Maskvy. A da taho momantu bajavy šlach savietaŭ składajecca amal vyklučna z hrandyjoznych katłoŭ dy epičnych parazaŭ kštałtu najbujniejšaj tankavaj bitvy ŭ historyi ŭ trykutniku Dubna-Łuck-Brody naprykancy červienia 1941.

Ciapier čytajuć

Što IT-biznes dumaje pra Hannu Rabavu, novuju kiraŭnicu Parka vysokich technałohij?6

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Usie naviny →
Usie naviny

Cichanoŭskaja pavinšavała Naŭrockaha z abrańniem na post prezidenta Polščy22

Łukašenka palacieŭ u Kitaj. Heta sustreča pavinna była adbycca jašče ŭ studzieni3

Źjavilisia pieršyja spadarožnikavyja zdymki avijabazy «Biełaja», na jakich vidać nastupstvy ataki SBU2

Ściapan Puciła: U čas pratestaŭ nas čatyry čałavieki ŭ redakcyi było. I dźvieście paviedamleńniaŭ na chvilinu17

«Jany ŭsie siabravali suprać mianie». U Minsku sudziać mužčynu za łžyvyja danosy na kankurentaŭ1

Apublikavany poŭny tekst mirnych prapanoŭ Ukrainy, jakija Kijeŭ pradstavić na pieramovach u Stambule7

Ukraina pieradała svoj miemarandum Rasii na ŭkrainskaj i anhlijskaj movach4

Jak vyhladaje samaja niedarahaja kvatera ŭ sercy Minska. Usiaho za 295 tysiač dalaraŭ1

Padarožnik z Kazachstana raskazaŭ, jak praryvaŭsia praź miažu Biełarusi i ES. Atrymałasia tolki z treciaj sproby7

bolš čytanych navin
bolš łajkanych navin

Što IT-biznes dumaje pra Hannu Rabavu, novuju kiraŭnicu Parka vysokich technałohij?6

Što IT-biznes dumaje pra Hannu Rabavu, novuju kiraŭnicu Parka vysokich technałohij?

Hałoŭnaje
Usie naviny →

Zaŭvaha:

 

 

 

 

Zakryć Paviedamić