Niekali słavuty francuzski futbalist, paśla prezident UEFA, a ciapier daradca prezidenta Mižnarodnaj fiederacyi asacyjacyj prafiesijnych futbalistaŭ Mišel Płacini prapanavaŭ unieści ŭ futbolnyja praviły niezvyčajnuju źmienu.
U intervju francuzskamu vydańniu RMC Sport Płacini prapanavaŭ źmienšyć kolkaść hulcoŭ u kožnaj kamandzie da dziesiaci zamiest tradycyjnych adzinaccaci.
Matyvuje jon svaju prapanovu tym, što ŭ minułym stahodździ, kali kamandy hulali pa 11 čałaviek, hulcy, maŭlaŭ, byli mienš vynoślivymi i biehali pavolniej. A pakolki ciapier inšy ŭzrovień fizičnaj padrychtoŭki, a adpaviedna i chutkaści, to Płacini ličyć, što źmianšeńnie kolkaści hulcoŭ dało b bolš prastory na poli i palepšyła dynamiku hulni.
«Moža być, nam varta prybrać pa adnym hulcy z kožnaj kamandy i hulać 10 na 10. Skład futbolnaj kamandy ŭklučaje 11 hulcoŭ z 1900 hoda, ale tady hulcy mienš biehali, byli nie takija mocnyja i nie takija chutkija.
Moža być, skaračeńnie kolkaści hulcoŭ vyzvalić prastoru. Tak ci inakš, ludzi majho pakaleńnia nie hladziać futboł tak časta. Jany nie bačać siabie ŭ siońniašniaj hulni. Ciapier bolš pieradač, bolš pazicyjnych pasaŭ. Ludzi majho pakaleńnia pryzvyčailisia da atakujučaha futboła. Sučasny futboł užo nie taki pryvabny», — ličyć ciapier 69-hadovy kolišni trochrazovy ŭładalnik «Załatoha miača».
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary