Jak adnavić skuru paśla leta? Asnoŭnyja praviły

Parady pryvodzić partał 24health.by.

Mahčymyja prablemy sa skuraj tvaru paśla leta

Čaściej za ŭsio paśla leta mohuć prajavić siabie nastupnyja prablemy sa skuraj:

• abiazvodžvańnie;
• pataŭščeńnie rahavoha płasta epidermisu z pryčyny ŭździejańnia soniečnych pramianioŭ;
• uzmacnieńnie pihmientacyi i pačyrvanieńniaŭ;
• źjaŭleńnie drobnych marščyn.

Jak vyrašyć prablemy sa skuraj

Navat vosieńniu nie varta zabyvać pra vykarystańnie soncaachoŭnych srodkaŭ. Soniečnyja pramiani pa-raniejšamu mohuć być intensiŭnymi i akazvać ahresiŭny ŭpłyŭ na stan skury.

Asnoŭnyja zadačy dohladu skury paśla leta, jakija treba budzie vyrašyć, — adnaŭleńnie vodnaha i lipidnaha bałansu skury, pavyšeńnie ełastyčnaści i pruhkaści, a taksama jaje aktyŭnaje nasyčeńnie.

Ačyščajem

Kali paśla vykarystańnia ačyščalnaha srodku adčuvajucca ściahnutaść, śvierb abo skura pačynaje łupicca, to varta pry myćci pierajści na bolš miakkija srodki. Tamu lepš vykarystoŭvać miakkija ačyščalnyja srodki, jakija nie buduć dastaŭlać dyskamfort i pierasušvaje skuru.

Uvilhatniajem

Doŭhaje znachodžańnie na soncy moža pryvieści da abiazvodžvańnia skury. Rašeńnie prablemy — adnaŭleńnie vodnaha i tłuščavaha bałansu skury. Tamu samy čas vykarystoŭvać ŭvilhatnialnyja kremy i syrovatki, jakija źmiaščajuć hiałuronovuju kisłatu, ałoe viera, pantenoł, hliceryn abo inšyja ŭvilhatnialnyja inhredyjenty (naprykład, ekstrakt aŭsa pasiaŭnoha, alej łavandy, ružovy alej, alej žažaba). Heta adnović uzrovień uvilhatnieńnia, nadaść skury miakkaść, pruhkaść i ełastyčnaść. Darečy, pavysić pruhkaść skury paśla leta dapamahajuć kaśmietyčnyja srodki z utrymańniem naturalnych inhredyjentaŭ (naprykład, arhanovy alej, ekstrakt radyjoły ružovaj, limońnika kitajskaha).

U štodzionny dohlad skury tvaru možna ŭklučyć ŭvilhatnialnyja maski. Dobrym efiektam vałodajuć alhinatnyja abo zvyčajnyja maski z hiałuronovoj kisłatoj. Jany dobra nasyčajuć vilhaćciu rahavy płast, što zhładžvaje drobnyja marščynki i nadaje skury dahledžany vyhlad.

Čym chaładniej stanovicca na vulicy, tym bolš skury padabajucca srodki z alejami. Jany dapamahajuć adnavić hidralipidny barjer, siłkujuć i supakojvajuć. Bolš za toje, nasyčanyja alejami srodki ŭzmacniajuć naturalnuju abaronu skury ad pierapadaŭ tempieratur i vilhotnaści.

Padčas snu na dapamohu skury prychodziać načnyja kremy, jakija nasyčajuć hłybokija płasty epidermisu i adnaŭlajuć hidra-lipidnuju plonku.

Abłuščvajem

Nie lišnim budzie ŭklučyć u dohlad pilinhi, jakija prybiaruć liški arahaviełych kletak, vierchni płast epidermisu stanie bolš tonkim i hładkim, a drobnyja pavierchnievyja marščyny stanuć mienš prykmietnymi.

Z hetaj zadačaj całkam spraviacca enzimnyje pilinhi, pilinhi z hranułami z vosku, alej šy abo žažaba. Z kisłotnymi pilinhami pakul lepš pačakać — u pačatku vieraśnia soniečnyja pramiani jašče aktyŭnyja.

Darečy, vosieńniu pracedura abłuščvańnia pavinna być rehularnaj: raz u tydzień, kali skura narmalnaha typu, 2 razy na tydzień — dla tłustaha typu, raz u 2 tydni — dla suchoha.

Prybirajem pihmientacyju

U hetym vypadku možna vykarystoŭvać srodki z abłuščvalnymi inhredyjentami. Jany dapamohuć pamienšyć pihmientacyju i vyraŭnavać ton skury. Dobrym efiektam vałodajuć kaśmietyčnyja srodki z cytrynavaj abo hlikolevaj kisłatoj, ekstraktami marskich vodaraściaŭ, korania łakryčnika i tałaknianki, a taksama srodki z efirnymi alejami vanili, hvaździki, fienchiela, bazilika, anisa, badziana.

Nanosić ich lepš na noč, a ŭ dzionnyja hadziny abaviazkova karystacca soncaachoŭnym kremam.

Dahladajem skuru vakoł vačej

Tam jana asabliva tonkaja i adčuvalnaja. Vykarystoŭvajcie ŭvilhatnialnyja i pažyŭnyja srodki, jakija śpiecyjalna pryznačanyja dla skury vakoł vačej.

Vykarystoŭvajem pažyŭnyja maski i syrovatki

Uvilhatnialnyja i pažyŭnyja maski dla tvaru dapamohuć viarnuć skury pruhkaść i žyćciovuju siłu. Možna vykarystoŭvać srodki z zaspakajalnymi inhredyjentami, naprykład, z ekstraktam ahurka ci zialonaj harbaty, hiałuronovoj kisłatoj. Uładalnicy suchoj i narmalnaj skury mohuć nanosić pažyŭnyja i hłyboka adnaŭlalnyja maski. Tym, chto vałodaje toŭstaj i kambinavanaj skuraj, padyduć bolš lohkija ŭvilhatnialnyja maski.

• 9
• 0
• 0
• 0
• 0
• 0
• 1
• 0