U Polščy raście zachvorvańnie na karanavirus (SARS-CoV-2). Za apošnija sutki zafiksavana 1193 vypadki zaražeńniaŭ, piać čałaviek pamierli. Hałoŭny sanitarny inśpiektar Pavieł Hžezieŭski rekamiendavaŭ žycharam Polščy nasić maski, piša Most.
Statystyka Ministerstva achovy zdaroŭja Polščy achoplivaje tolki aficyjna zafiksavanyja vypadki — stanoŭčyja testy, vykananyja ŭ balnicach abo pa nakiravańniach daktaroŭ.
Realnaja kolkaść chvorych moža być značna vyšejšaja: nie ŭsie prachodziać testy, a šmat chto kuplaje ich u aptekach i vykonvajuć samastojna ŭ chatnich umovach.
«My paćviardžajem, što chvala zachvorvańniaŭ raście. Ciažka padličyć, kolki ciapier chvorych, bo my ŭžo nie robim testy masava, ale trend, biezumoŭna, raście», — skazaŭ Hžezieŭski ahienctvu PAP.
Taksama, pavodle jaho słoŭ, pavialičvajecca kolkaść pacyjentaŭ, jakija patrabujuć špitalizacyi.
Pik čakajecca ŭ kastryčniku
Čakajecca, što pik zachvorvańnia pryjdziecca na druhuju pałovu kastryčnika, da taho momantu vyraście i dola maładych pacyjentaŭ ź liku školnikaŭ i studentaŭ.
Abaviazkovy masačny režym u Polščy nie ŭviedzieny. Tym nie mienš Hžezieŭski rekamienduje nasić maski, a taksama bolš uvažliva stavicca da hihijeny ruk i dezinfiekcyi pavierchniaŭ. Heta dazvolić źnizić raspaŭsiudžvańnie nie tolki kavidu, ale i siezonnych virusaŭ.
Taksama sanitarny inśpiektar raić šyrej testavacca na COVID-19 i vykonvać miery samaizalacyi pry vyjaŭleńni virusa.
Ciapier čytajuć
Za padpisku na kanały treš-błohiera Mełstroja ciapier buduć karać1
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary