Usie troje susiedziaŭ Biełarusi družna prajhrali baskietbolnuju alimpijskuju kvalifikacyju
Baskietbolny mužčynski turnir — adna ź cikavostak letniaj Alimpijady.
U im udzielničaje 12 zbornych, vosiem ź ich zabraniravali sabie pucioŭki zahadzia. Heta kamandy Francyi (haspadyni), Sierbii, Hiermanii, ZŠA, Kanady, Japonii, Aŭstralii, Paŭdniovaha Sudana.
Astatnija čatyry pucioŭki raźmiarkoŭvalisia ŭ čatyroch kvalifikacyjnych turnirach.
Schiema była nastupnaja: u kožnym z turniraŭ biare ŭdzieł šeść kamandaŭ, raźbityja pa try zbornyja na dźvie hrupy. Pravodziać mini-turnir u padhrupie z troch družyn, dźvie vychodziać u paŭfinał, a potym dva pieramožcy vyznačajuć tolki adnaho ščaśliŭčyka.
Polšča hulała ŭ Ispanii, prajhrała adrazu Bahamam i Ispanii i nie prabiłasia navat u paŭfinał.
Łatvija i Litva dabralisia da finałaŭ kvalifikacyi, ale tam im nie pašancavała.
Pryčym kvalifikacyjny turnir z udziełam zbornaj Łatvii, jakaja zaniała 5-je miesca na čempijanacie śvietu, prachodziŭ u Ryzie. Ale ŭ finale ŭčora Łatvija prajhrała Brazilii 69:94.
Litva svoj kvalifikacyjny turnir pravodziła ŭ San-Chuanie (Puerta-Ryka), taksama dabrałasia da finału, dzie siońnia nočču prajhrała haspadaram 68:79.
Z dvuch astatnich kvalifikacyj na Alimpijadu prabilisia Hrecyja i Ispanija.
Ciapier čytajuć
Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2
Kamientary
[Paŭdniovy Sudan, dziakuj -- veb-redaktar]