Vienhryja bolš nie budzie błakavać pačatak pieramoŭ ab ustupleńni Ukrainy ŭ Jeŭrasajuz
Vienhryja pierastała błakavać uzhadnieńnie tak zvanaj ramki dla pieramoŭ pa ŭstupleńni Ukrainy ŭ Jeŭrapiejski sajuz. Pra heta 14 červienia paviedamiŭ karespandent «Radyjo Svaboda» ŭ Brusieli Rykard Joźviak.
«Bieły dym! Vienhryja bolš nie błakuje pierahavornuju ramku dla Ukrainy (i zaadno Małdovy). Kampramisny tekst uzhodnieny. Ukraina i Małdova pavinny aficyjna pačać pieramovy ab ustupleńni ŭ ES 25 červienia», — napisaŭ Joźviak.
Staršynstva Bielhii ŭ Radzie Jeŭrasajuza taksama paviedamiła 14 červienia, što pasły krain ES «u cełym pryjšli da zhody» adnosna ramak dla pieramoŭ ab ustupleńni Ukrainy i Jeŭrasajuza.
«Bielhijskaje staršynstva skliča pieršyja mižuradavyja kanfierencyi na 25 červienia», — havorycca ŭ paviedamleńni.
Pierad hetym 29 maja stała viadoma, što Vienhryja błakuje ŭzhadnieńnie papiaredniaha varyjantu ramki dla pieramovaŭ ab ustupleńni Ukrainy ŭ Jeŭrasajuz praz pytańnie pravoŭ vienhierskaj mienšaści va Ukrainie.
Jeŭrapiejskaja kamisija 7 červienia padtrymała pačatak pieramoŭ ab ustupleńni Ukrainy ŭ Jeŭrapiejski sajuz.
Ciapier čytajuć
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika2
U pieramovach z Koŭłam hetym razam biare ŭdzieł i Turčyn. Z amierykanskaha boku Śmit źmianiŭsia na Panika
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu44
Kamientary
Ja razumieju, što pabudovu śvietłaha budučaha kirujučyja partyja i ŭrad USSR źmianili na ŭvachodžańnie ŭ EŭraSSR.
Adnak ŭ navinie idziecca nie pra sacyjalistyčnaje jadnańnie, a pra pieramovy pra sacyjalistyčnaje jadnańnie.
I šlach praz takija dazvoły atrymanyja padčas pieramovaŭ pra dazvoy na čarhovyja pieramovy budzie aśviatlacca pieramožnymi artykułami, nie horšymi za heny pad jakim pišu.