Vienhryja nie budzie błakavać dapamohu NATA Kijevu, ale sama nie budzie dapamahać
Kiraŭnik NATA paćvierdziŭ dasiahnieńnie takoj damoŭlenaści.
Budapiešt nie budzie błakavać rašeńni NATA pa akazańni dapamohi Ukrainie, pry ŭmovie, što sama Vienhryja nie budzie ŭdzielničać u ich realizacyi. Pra heta zajaviŭ premjer-ministr Vienhryi Viktar Orban na pres-kanfierencyi pa vynikach vizitu ŭ Budapiešt Hienieralnaha sakratara NATA Jensa Stołtenbierha, piša Rasijskaja słužba Radyjo Svaboda.
Stołtenbierh paćvierdziŭ dasiahnieńnie takoj damoŭlenaści. U pryvatnaści, Vienhryja nie budzie finansavać pastaŭki zbroi Ukrainie abo nakiroŭvać svaich vajskoŭcaŭ dla navučańnia ŭkrainskich vajskoŭcaŭ. Taksama Orban adznačyŭ, što Vienhryja nie budzie ŭdzielničać u jakich-niebudź misijach krain NATA za miežami krain Paŭnočnaatłantyčnaha aljansu, u tym liku i va Ukrainie ŭ vypadku nakiravańnia tudy vajskoŭcaŭ NATA.
Stołtenbierh naviedaŭ Budapiešt napiaredadni samitu NATA ŭ Vašynhtonie, na jakim, jak čakajecca, krainy Sajuza ŭzhodniać vydzialeńnie 40 miljardaŭ jeŭra na hod u metach padtrymki Ukrainy. Čakajecca, što na samicie taksama budzie ŭzhodnienaja novaja schiema padtrymki Kijeva ŭ śfiery pastavak uzbrajeńnia i navučańnia vajskoŭcaŭ, što dazvolić paźbiehnuć niepradkazalnaści ŭ budučyni.
Budapiešt paabiacaŭ nie błakavać hetyja rašeńni — pry ŭmovie svajho niaŭdziełu. Pa słovach Stołtenbierha, jon «pryniaŭ hetuju pazicyju». U toj ža čas jon adznačyŭ, što Orban zapeŭniŭ jaho vtom, što Vienhryja zastajecca łajalnym členam NATA i budzie vykonvać svaje abaviazacielstvy pierad sajuźnikami.
Pazicyja ŭładaŭ Vienhryi ŭ adnosinach da vajny va Ukrainie adroźnivajecca ad pazicyi pieravažnaj bolšaści krain ES i NATA. Budapiešt u pryvatnaści zaklikaje da pieramovaŭ ab miry biez papiarednich umoŭ, što nieprymalna dla Kijeva. Vienhryja taksama admaŭlajecca pastaŭlać Ukrainie zbroju i niaredka krytykuje ŭłady krainy. Pry hetym Budapiešt jak praviła nie błakuje pastanovy JEZ i NATO, časam damahajučysia padčas pieramovaŭ jakich-niebudź vyklučeńniaŭ abo vyhod dla siabie.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary