Śviet33

U Vienhryi rezka nabrała papularnaść antyorbanaŭskaja partyja, jakuju stvaryŭ małady palityk

Što ŭ ich za płatforma i čym tak začapiŭ ludziej novy lidar?

 Péter Magyar Peter Madziar Pietier Mad́jar
Pieter Madziar na mitynhu ŭ Budapiešcie. 26 sakavika 2024 hoda. Fota: AP Photo/Denes Erdos

Napiaredadni vybaraŭ u Jeŭrapiejski parłamient u Vienhryi chutkimi tempami nabiraje papularnaść palityčnaja partyja «Pavaha i svaboda» (Tisztelet és Szabadság), lidaram jakoj źjaŭlajecca 43-hadovy Pieter Madziar.

Madziar u minułym byŭ mužam ministra justycyi Judyt Varhi, ź jakoj u jaho troje dziaciej. Varhu palitołahi nazyvali adnoj z samych zornych prateže Orbana. Jana pavinna była ŭznačalić śpis kiroŭnaj partyi «Fides» na vybarach u Jeŭraparłamient.

Ale ŭ lutym hetaha hoda ŭ vyniku adnaho z samych bujnych palityčnych kryzisaŭ kiroŭnaj partyi, źviazanym z pamiłavańniem prezidentam abvinavačanaha, jakoha pryznali vinavatym u dapamozie piedafiłu, Judyt Varha razam z prezidentam krainy Katalin Novak padała ŭ adstaŭku i adrakłasia mandata deputata parłamienta dy lidara partyjnaha śpisu na vybarach u Jeŭraparłamient.

Praź niekalki hadzin paśla taho, jak jaho byłaja žonka abjaviła ab svaim sychodzie z palityki, Madziar apublikavaŭ post u fejsbuku, u jakim zajaviŭ, što idzie ŭ adstaŭku sa svaich pasad na dvuch dziaržaŭnych pradpryjemstvach i adrakajecca svajho miesca ŭ radzie dyrektaraŭ treciaha — Vienhierskaha banka raźvićcia.

Jon pisaŭ, što apošnija niekalki hadoŭ prymusili jaho ŭśviadomić, što ideja «nacyjanalnaj, suvierennaj, buržuaznaj Vienhryi», abvieščanaja ŭradam Orbana, nasamreč była «palityčnym praduktam», jaki słužyć dla ŭtojvańnia masavaj karupcyi i pieraraźmierkavańnia bahaćcia na karyść tych, chto maje «pravilnyja suviazi».

Juryst pa adukacyi, Madziar, jaki zajmaŭsia advakackaj praktykaj, pracavaŭ u MZS i pradstaŭnictvie Vienhryi ŭ ES, raspačaŭ kampaniju napadak na Orbana. U kancy sakavika jon u prysutnaści žurnalistaŭ pieradaŭ u prakuraturu aŭdyjazapis, jaki dakazvaje fakty karupcyi va ŭradzie, što istotna pavysiła papularnaść palityka.

Madziar abvinavačvaje ŭrad Orbana ŭ sistemnaj karupcyi, zaklikaje da adstaŭki premjer-ministra i hienieralnaha prakurora, zajaŭlaje, što ŭ krainie adsutničaje svaboda ŚMI i prakuratury. Za paŭtara miesiaca paśla svajho pierachodu ŭ apazicyju palityk zdoleŭ sabrać zvyš 200 tysiač padpisčykaŭ u svaich sacyjalnych sietkach.

A ŭ pačatku krasavika na antyŭradavy mitynh kala budynka nacyjanalnaha parłamienta, jaki pravodziła «Pavaha i svaboda», pryjšło pa roznych acenkach ad 50 da 100 tysiač čałaviek. Takaja masavaść nie nazirałasia z 2010 hoda.

Partyja «Pavaha i svaboda» była zarehistravanaja ŭ 2021 hodzie. Jaje stvaryła nievialikaja hrupa čynoŭnikaŭ i pradprymalnikaŭ horada Ehier z metaj udziełu ŭ parłamienckich vybarach. U svajoj prahramie partyja pazicyjanavała siabie jak pravacentrysckaja, zajaŭlała pra nieabchodnaść abmiežavańnia dvuma terminami znachodžańnia na pasadach vyšejšych dziaržaŭnych asobaŭ, admieny niedatykalnaści deputataŭ, padtrymki miascovaha biznesu i spryjańnia viartańnia ŭ krainu emihrantaŭ.

Na parłamienckich vybarach u krasaviku 2022 hoda «Pavaha i svaboda» nie zdoleła, adnak, atrymać nivodnaha mandata. Novaje dychańnie joj nadaŭ Pieter Madziar, kali ŭ krasaviku hetaha hoda zaniaŭ pasadu adnaho z namieśnikaŭ staršyni.

Partyja patrebna Madziaru dla ŭdziełu ŭ vybarach u Jeŭraparłamient. Stvaryć dla hetaha ŭłasnuju partyju jon nie paśpieŭ. Pa praviłach, pretendavać na miescy ŭ Jeŭrapiejskim parłamiencie mohuć kandydaty ad tych palityčnych abjadnańniaŭ, jakija byli zarehistravanyja ŭ svaich krainach na momant aficyjnaha abviaščeńnia ab vybarach.

10 krasavika ŭ Nacyjanalnuju vybarčuju kamisiju była nakiravana zajaŭka na rehistracyju partyi «Pavaha i svaboda» dla ŭdziełu ŭ vybarach u Jeŭraparłamient. Akramia hetaha, partyja budzie brać udzieł u municypalnych vybarach u Vienhryi 9 červienia.

Jak piša Bloomberg, spasyłajučysia na vyniki apytańnia sacyjałahičnaj kampanii Median, «Pavaha i svaboda» Madziara atrymlivaje 24% padtrymki siarod vybarščykaŭ, jakija vyznačylisia sa svaim vybaram i zajavili, što abaviazkova pojduć na hałasavańnie.

Choć heta daloka ad 46% padtrymki, jakuju maje partyja ŭłady «Fides», ale bolš čym udvaja pieravyšaje pakazčyk padtrymki Demakratyčnaj partyi (9%), jakaja da hetaha času była samaj papularnaj apazicyjnaj siłaj.

Ciapier Madziar jeździć pa sielskaj miascovaści, jakaja źjaŭlajecca bazaj padtrymki Orbana, dzie jamu ŭdajecca sabrać niamała vybarščykaŭ na svaich ahitacyjnych mierapryjemstvach.

U płanach palityka i parłamienckija vybary ŭ krainie ŭ 2026 hodzie. Što ŭ jaho ŭdasca, pakaža čas.

Kamientary3

  • Biełarus ź Mikaševičaŭ
    02.05.2024
    Jak u Petera Madziara mohuć być dzieci ad ministra? Mužčyny nia ŭmiejuć naradžać. Jany ich usynaviły? 
  • Ilja
    02.05.2024
    Nužno uznať kakije u nieho otnošienija s Karač
  • Noŭnejm
    02.05.2024
    Biełarus ź Mikaševičaŭ, tabie treba napisać ministarka, kab zrazumieć, što jana žančyna?

Ciapier čytajuć

Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy1

Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy

Usie naviny →
Usie naviny

Miadźviedzieŭ prykusiŭ jazyk paśla rašeńnia Trampa adpravić da Rasii jadziernyja padłodki8

Paŭtara dziasiatka karcin. Znojdziena samaja žyvapisnaja terasa Minska

Ryełtar: U paraŭnańni ź minułym hodam arenda žylla padaražeła na 20—30%2

Na miažy z Polščaj u čarzie bolš za 2000 aŭto1

61-hadovy mužčyna prapaŭ na punkcie propusku «Brest»

Saša Filipienka raskazaŭ, što jaho raman «Słon» možna kupić u Biełarusi. Prapahandysty źniali jaho z prodažu za niekalki hadzin 14

17-hadovaha na Audi spynili stralboj z tabielnaj zbroi1

«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu82

Biełaruski režysior raskazaŭ, jak u maładości paznajomiŭsia ŭ ZŠA z adnym z samych upłyvovych ukraincaŭ7

bolš čytanych navin
bolš łajkanych navin

Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy1

Anton čatyry hady chavaŭsia ad łukašystaŭ u rodnych Baranavičach — zatrymali, kali vyrašyŭ zdać na pravy

Hałoŭnaje
Usie naviny →

Zaŭvaha:

 

 

 

 

Zakryć Paviedamić