Italjanskaja makarona kaniełoni — heta vializnyja trubački dyjamietram 2-3 santymietry. Načynić ich možna tym, što vam daspadoby, — ad roznych vidaŭ miasa da syru sa špinatam (apošniaje padydzie viehietaryjancam abo tym, chto pościć). U vyniku atrymajecca strava, jakaja niečym nahadaje łazańniu, a ŭ niečym budzie całkam aryhinalnaj.
Fota: greatitalianchefs.com
Kaniełoni ź jałavičnym faršam i macarełaj, recept
Spatrebicca:
- 1 pakunak trubačak kaniełoni (400 h)
- 400 h jałavičnaha faršu
- 200 h syru rykota
- 200 h ciortaha syru macareła
- 500 h tamatnaj pasty
- sol, čorny pierac
Jak hatavać:
- Kab pryhatavać idealnyja kaniełoni, absmažcie ich spačatku na patelni ź nievialikaj kolkaściu aleju. Prypraŭcie.
- Nafaršyrujcie trubački sumieśsiu z rykoty, macareły, pryhatavanaha faršu i pałovy tamatnaj pasty.
- Vykładzicie faršavanyja kaniełoni ŭ haračatryvałuju formu. Pasypcie źvierchu syram, zmažcie tamatnaj pastaj. Prypraŭcie śviežym čornym piercam.
- Zapiakajcie ŭ duchoŭcy 45 chvilin pry tempieratury 160 °C i padavajcie ź zialonaj sałataj.
Kaniełoni z syram tofu i špinatam, recept
Spatrebicca:
- špinat zamarožany 250 h
- tofu 180 h
- časnok 2 zubki
- masła dla zmazvańnia formy
- adna nievialikaja cybulina
- muškatovy arech, pierac, sol
- kansiervavanyja narezanyja pamidory
- tamatavy kancentrat 30 h
- łyžka šmatkoŭ nieaktyŭnych droždžaŭ
- bazilik
Jak hatavać:
- Cybulu narazajem pierjem i trochi absmažvajem na razahretym alei.
- Dadajom špinat i časnok, nakryvajem viečkam i hatujem niekatory čas.
- Dadajom da špinatu zdrobnieny tofu i hatujem, pakul vada i śpiecyi nie vyparacca. Dajom astyć.
- Dobra źmiešvajem inhredyjenty dla padliŭki (kansiervavanyja pamidory, tamatavy kancentrat, droždžy, bazilik)
- Razahravajem duchoŭku da 180°S.
- Vyšmaroŭvajem haračatryvałuju formu masłam.
- Faršyrujem kaniełoni načyńniem, vykładvajem trubački płastami, a potym palivajem ich padliŭkaj.
- Vypiakajem pad nakryŭkaj kala 35-40 chvilin.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień8
Kamientary