Eduarda Babaryku trymajuć u PKT, kab paśla pieravieści ŭ turemnyja ŭmovy
Palitviazień Eduard Babaryka, jaki adbyvaje pakarańnie ŭ papraŭčaj kałonii №2 u Babrujsku, znachodzicca ŭ PKT — pamiaškańni kamiernaha typu.
Syn Viktara Babaryki trapiŭ u babrujskuju kałoniju ŭ kancy 2023 hoda ci samym pačatku 2024 hoda. U adroźnieńnie ad astatnich viaźniaŭ jaho faktyčna tak i nie raźmierkavali ni ŭ adzin atrad — ad samaha startu Babaryku-małodšaha zakidali dyscyplinarnymi spahnańniami i izalavali ad inšych źniavolenych.
Łohika administracyi ŭ tym, kab chutka «prapuścić» statusnaha palitviaźnia praz ŠIZA i PKT. I tym samym stvaryć farmalnuju mahčymaść dla taho, kab pieravieści jaho na turemnyja ŭmovy ŭtrymańnia.
Pa takoj ža schiemie z kałonii №2 u Babrujsku ŭ turmu №4 u Mahilovie maksimalna chutka byli pieraviedzienyja juryst Juraś Ziankovič (termin — 11 hadoŭ), paplečnik Mikoły Aŭtuchoviča Uładzimir Hundar (termin — 20 hadoŭ), hramadzianin Rasii Jahor Dudnikaŭ (termin — 11 hadoŭ) i inšyja palitviaźni ź vialikim prysudžanym terminam.
U niekatorych vypadkach palitviaźniaŭ pieravodzili ŭ turmu №8 u Žodzina, ale heta adbyvałasia radziej.
Hałoŭnaje adroźnieńnie ŭtrymańnia ŭ kałonii i ŭ turemnych umovach u tym, što ŭ pieršym vypadku źniavolenyja majuć choć jakuju aktyŭnaść i mahčymaść pierasoŭvańnia pa terytoryi, a ŭ druhim znachodziacca ŭ kamiery.
Eduard Babaryka byŭ aryštavany razam z baćkam 18 červienia 2020 hoda. Spačatku jamu inkryminavalisia ekanamičnyja abvinavačvańni kštałtu ŭchileńnia ad spłaty padatkaŭ. Adnak Babaryku-małodšaha nie stali sudzić za heta, a praz paŭtara hoda znachodžańnia ŭ SIZA — maksimalna mahčymy čas — pieraaryštavali pa palityčnych artykułach. Pryčym hetyja paŭtara hoda navat nie zaličyli ŭ adbyty termin.
Pratrymaŭšy ź SIZA jašče paŭtara hoda, Eduardu ŭrešcie prysudzili 8 hadoŭ źniavoleńnia za «arhanizacyju masavych biesparadkaŭ» i «raspalvańnie varažniečy».
Infarmacyi pra jaho baćku, Viktara Babaryku, niama ŭžo kala hoda. U krasaviku 2023 jaho ŭ stanie siaredniaj ciažkaści dastaŭlali ŭ adździaleńnie chirurhii navapołackaha špitalu, a paśla źmiaščali ŭ PKT.
«Naša Niva» — bastyjon biełaruščyny
PADTRYMAĆEduardu Babaryku nie zaličyli ŭ ahulny termin paŭtara hoda ŭtrymańnia pad vartaj
«Kali jon išoŭ u prybiralniu, viedała ŭsia kałonija, bo pra heta apaviaščała sihnalizacyja». Były źniavoleny raskazaŭ pra Viktara Babaryku
«Byli traŭmy na hałavie». Stali viadomy padrabiaznaści špitalizacyi Viktara Babaryki naprykancy krasavika
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary