Salist rasijskaha rok-hurta vykazaŭsia na kancercie suprać vajny. Jaho adpravili lačycca
12 lipienia salist rasijskaha rok-hurta «Try dni daždžu» Hleb Viktaroŭ padčas kancerta ŭ Jekaciarynburhu vystupiŭ z palityčnaj pramovaj. Ciapier ža, jak paviedamlajecca, jon užo znachodzicca ŭ stacyjanary i prachodzić lačeńnie.
Padčas vystupleńnia 12 lipienia ŭ Jekaciarynburhu muzyka zrabiŭ niekalki palityčnych i antyvajennych vykazvańniaŭ. Jon kazaŭ pra zahinułych na vajnie znajomych i krytykavaŭ toje, što adbyvajecca, vykarystoŭvajučy rezkija niecenzurnyja vyrazy.
«Kali hetaje słova navat, b**dź, nie vymaŭlajuć. Heta nie nazyvajuć vajnoj, heta — SVA. Mnie stanovicca kryŭdna, b**dź! Ja z hetymi ludźmi vyras, b**dź! Moj hukarežysior zakryvaje mnie mikrafon, b**dź! Čamu ja taki raźjušany? Zdavałasia b, tak? Čaho, b**dź, čaho zdaryłasia? Zdaryłasia samaje ch**vaje, što moža być z ruskim čałaviekam. Viedajecie, što? Kali ruski ruskamu zdradžvaje. Idziem na vybary — hałasujem za KPRF. Kali nie vy — to nichto», — zajaviŭ artyst.
Paśla kancerta ŭ telehram-kanale hurta źjaviłasia paviedamleńnie, u jakim Viktaraŭ zajaviŭ, što źjechaŭ z Rasii, ale paźniej hety dopis byŭ vydaleny.
Ciapier ža pradstaŭniki hurta zajavili, što situacyja na kancercie była vynikam taho, što, maŭlaŭ, achova nie prakantralavała dostup u hrymiorku, i staronnija ludzi mahli pieradać artystu zabaronienyja rečyvy. Pavodle słoŭ jahonych mieniedžaraŭ, infarmacyja pra hetych ludziej pieradadziena ŭ palicyju.
U hurcie śćviardžajuć, što słovy i pavodziny Viktarava na scenie byli «nieśviadomym tryźnieńniem», kancert spynili, a artysta adpravili spačatku da baćkoŭ u Maskvu, a zatym na lačeńnie.
Turcyja departavała ŭ Rasiju dziaŭčynu, jakuju pieraśledujuć tam za antyvajenny nadpis
Što za rasijskija błohiery, jakim padziakavaŭ Sibiha, i što za kampanija suprać «Ałabuhi»
U zabitaha ŭ Biełaj-Padlašskaj mastaka Skrapieckaha zastałosia piaciora dziaciej, a ŭdava ciažarnaja šostym
U Bierlinie rasijski apazicyjanier Illa Jašyn stvaryŭ partyju ŭ vyhnańni
Kamientary
chutka videa źjavicca, maŭlaŭ nietak zrazumieli jaho.
A KPRF pry Ziuhanavie heta ražanyja kłoŭny.
Jany navat nie pasprabujuć.