Sud va Ukrainie asudziŭ śviatara UPC da dvuch hadoŭ pazbaŭleńnia voli. Jon nazyvaŭ rasijskuju ahresiju «hramadzianskaj vajnoj»
Sud u Vinickaj vobłaści pryhavaryŭ nastajaciela adnaho z chramaŭ miascovaj jeparchii Ukrainskaj pravasłaŭnaj carkvy Maskoŭskaha patryjarchata da dvuch hadoŭ pazbaŭleńnia voli pa spravie ab admaŭleńni vajennaj ahresii Rasii va Ukrainie (častka 2 artykuła 436-2 KK) i raspaŭsiudžvańni prarasijskich materyjałaŭ (častka 2 artykuła 109 KK), piša «Nastojaŝieje vriemia».
Da poŭnamaštabnaha rasijskaha ŭvarvańnia va Ukrainu asudžany, pavodle źviestak śledstva, byŭ nastajacielem niekalkich chramaŭ UPC (MP), a paśla taho, jak hetyja chramy pierajšli ŭ Pravasłaŭnuju carkvu Ukrainy (PCU), jon «aktyvizavaŭ svaju prarasijskuju dziejnaść» u internecie.
Śviatar, jak śćviardžaje prakuratura, raspaŭsiudžvaŭ antyŭkrainskija materyjały sa svajoj staronki va «UKantakcie». Akramia taho, pa dadzienych Słužby biaśpieki Ukrainy, padsudny stvaryŭ telehram-kanał, u jakim jon «nazyvaŭ vajennuju ahresiju Rasii suprać Ukrainy «hramadzianskaj vajnoj» i «ŭschvalaŭ terarystaŭ Zacharčanku, Hivi i Matarołu» (zahinułyja bajeviki tak zvanaj «DNR»).
Taksama ŭ svaich sacsietkach asudžany, pavodle infarmacyi SBU, repościŭ publikacyi i kamientary pres-słužby Ruskaj pravasłaŭnaj carkvy, u jakich «apraŭdvaŭsia zachop ukrainskich terytoryj» i «hieraizavalisia» rasijskija vajskoŭcy.
Paśla taho, jak śviataru paviedamili ab padazreńni, jon chavaŭsia ad śledstva ŭ niekalkich abłaściach Ukrainy, ale paśla byŭ zatrymany supracoŭnikami SBU.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»6
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary