U Homielskaj vobłaści čynoŭnikaŭ pazbavili aŭtamabilaŭ, mašyny ciapier arandujucca
U elektronnaj bazie dziaržzakupak źjavilisia tendary na arendu aŭtamabilaŭ dla rajvykankamaŭ Homielskaj vobłaści. Apisańnie mašyn, jakija arandujucca, supadaje z najaŭnym aŭtaparkam miascovych administracyj. Vydańnie «Fłahštok» vyśvietliła pryčynu zakupak.
Na dadzieny momant abjavy ab arendzie aŭtamabilaŭ apublikavali nie mienš za čatyry vykanaŭčyja kamitety Homielskaj vobłaści. U siarednim miesiac arendy adnaho aŭtamabila abyjdziecca ŭ 6,6 tys. biełaruskich rubloŭ (2 tys. dalaraŭ).
Niezadoŭha da hetaha čynoŭniki zakazali praviadzieńnie niezaležnaj acenki rynkavaha koštu najaŭnaha aŭtaparku. Supastaŭleńnie marak aŭtamabilaŭ pakazvaje, što arandavacca buduć aŭtamabili, padobnyja z najaŭnymi ŭ aŭtaparku.
Miarkujučy, što miascovych čynoŭnikaŭ pazbavili ŭłasnaha aŭtaparku, Fłahštok paprasiŭ prakamientavać zakupki čałavieka, znajomaha ź dziejnaściu harvykankama.
«Va ŭsich vykankamaŭ adabrali transpart. Mašynu z kiroŭcam zabrali navat u Pryvałava (staršynia Homielskaha harvykankama. — NN). Kiroŭcaŭ zvolnili. Zaraz z ranicy pad vykankamam staić kałona mašyn».
Aficyjna niezaležnaja acenka aŭtamabilaŭ pravodziłasia dla pieradačy aŭtamabilaŭ na bałans transpartnych arhanizacyj. Ciapier jany buduć adkazvać za absłuhoŭvańnie aŭtamabilaŭ miascovych čynoŭnikaŭ.
«Ciapier vykankamy płaciać «Homielabłaŭtatransu», kab toj ich vaziŭ».
Paralelna adradžajecca praktyka sakretnaha pradastaŭleńnia arhanizacyjami aŭtamabilaŭ dla patreb miascovych vykanaŭčych orhanaŭ ułady na patrabavańnie čynoŭnikaŭ.
«Rajonnyja arhanizacyi ŭžo napružylisia. Kali raniej jany sprabavali ŭciačy ad pavinnaści pradastaŭlać aŭtamabili na subotniki i abjezdy, to ciapier «saskočyć» im nie daduć».
Varta adznačyć, što raniej vykankamy tracili značnyja srodki na absłuhoŭvańnie svaich raznastajnych aŭtaparkaŭ. Naprykład, Homielski abłvykankam traciŭ 39 tys. dalaraŭ u hod na absłuhoŭvańnie svajho aŭtaparku z 13 mašyn u hod.
Ciapier hetyja vydatki paniasuć profilnyja arhanizacyi. Akramia Homielskaj vobłaści, pierasiaduć na arendny transpart i čynoŭniki Bresckaj vobłaści: ciapier vykankamy Brestčyny pravodziać anałahičnyja zakupki.
U Navapołacku ludziej zmušajuć prynosić vopratku dla dziaciej, vyviezienych z akupavanych terytoryj Ukrainy
«Pravilnyja» maci z «pravilnymi» dziećmi. Chto ciapier budzie atrymlivać orden Maci i što atrymaje Łukašenka
«Kolki možna prynižacca?» Žycharka Čavusaŭ zapisała videazvarot da Łukašenki: u internacie čornyja stoli, syplecca tynkoŭka i valacca ścieny
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary