«Vybar vielmi prosty: Biełaruś ci Łukašenka». Łatuška prapanavaŭ pradstaŭnikam režymu dyjałoh na peŭnych umovach
Pradstaŭnik Abjadnanaha pierachodnaha kabinieta pa tranzicie ŭłady Pavieł Łatuška na siońniašnich słuchańniach pra dziejnaść Abjadnanaha pierachodnaha kabinieta Biełarusi prapanavaŭ dyjałoh paplečnikam Łukašenki paśla «poŭnaha spynieńnia represij i hvałtu», paviedamlaje «Pozirk».
Palityk źviarnuŭsia da ludziej, jakija znachodziacca ŭnutry sistemy: «Vybar vielmi prosty: Biełaruś ci Łukašenka».
Jon nazvaŭ navat imiony šeraha čynoŭnikaŭ, u pryvatnaści, kiraŭnictva Administracyi Łukašenki, premjera Ramana Hałoŭčanki, pieršaha vice-premjera Mikałaja Snapkova, kiraŭnictva MZS.
Pradstaŭnik Kabinieta nahadaŭ hetym ludziam ab tym, što «Łukašenku buduć pieraśledvać usio žyćcio ŭ ramkach mižnarodnaha kryminalnaha pieraśledu».
«Mahčyma, vam usio jašče zdajecca, što Łukašenka dastatkova mocny i zdolny kantralavać situacyju chacia b unutry krainy. Nie», — padkreśliŭ Łatuška.
Pavodle jahonych słoŭ, Łukašenka «zdaŭ naš suvierenitet na karyść Rasii», dazvoliŭ pieratvaryć Biełaruś «u rasijski vajskovy palihon, u novuju jadziernuju mišeń».
Kamientary