Hramadstva22

Eks-uładalnik «Motavieła» Muraŭjoŭ vyjšaŭ na volu i vyjechaŭ u Dubaj — Office Life

Pavodle źviestak vydańnia Office Life, eks-uładalnik «Motavieła» i škłozavoda «Jalizava», biznesmien Alaksandr Muraŭjeŭ byŭ vyzvaleny niedzie ŭ śniežni-studzieni i praktyčna adrazu pakinuŭ krainu. Jak miarkujecca, ciapier jon žyvie ŭ Dubai (AAE).

Na jakoj padstavie Muraŭjoŭ vyjšaŭ na volu, nieviadoma.

U studzieni 2017 hoda biznesmiena asudzili da 11 hadoŭ pazbaŭleńnia voli z kanfiskacyjaj majomaści za machlarstva, kradziažy, niavypłatu padatkaŭ i inšyja złačynstvy. Hety termin zastaŭsia i paśla druhoha suda: u traŭni 2018 hoda biznesmiena sudzili za niavypłatu padatkaŭ u asabliva značnym pamiery.

Alaksandr Muraŭjoŭ byŭ zatrymany ŭ 2015-m hodzie, na toj momant jon zajmaŭ 36-ty radok u rejtynhu top-200 samych paśpiachovych biznesmienaŭ Biełarusi. 

Nahodaj dla zatrymańnia staŭ stan spravaŭ na šmatpakutnym minskim «Motavieła», jaki znachodziŭsia pad kiravańniem struktur Muraŭjova z 2007-ha. 

U žniŭni 2007 hoda Biełaruś pradała 99,72% statutnaha fondu AAT «Motavieła» aŭstryjskaj kampanii ATEC Holding GmbH, jakaja naležała Muraŭjovu. 

Adnak praź piać hadoŭ, u vieraśni 2013-ha, Alaksandr Łukašenka naviedaŭ «Motavieła», zastaŭsia niezadavoleny jaho pracaj i zapatrabavaŭ biezumoŭnaha vykanańnia płanaŭ pa jaho raźvićci.

Łukašenka tady nahadaŭ, što adnoj z najbolš važnych umoŭ prodažu «Motavieła» było zachavańnie jaho śpiecyjalizacyi i ŭkładańnie ŭ 2007—2012 hadach u raźvićcio vytvorčaści nie mienš za 20 młn dalaraŭ, adnak pastaŭlenyja ŭmovy byli vykananyja tolki častkova, a čverć płoščaŭ zdavałasia ŭ arendu. 

U červieni 2015 hoda Muraŭjoŭ byŭ zatrymany. Pytańni ŭ śledstva byli nie tolki da pracy «Motavieła», ale i da škłozavodaŭ u Jalizavie i Homieli, stvoranych z udziełam ATIES Holding GmbN. Škłozavod «Jalizava» byŭ pryznany bankrutam.

Paśla prysudu ŭ 11 hod pa rašeńni suda dziaržavie adyšli i ŭsie akcyi AAT «Motavieła», jakija naležali Muraŭjovu.

Na sudzie Muraŭjoŭ kazaŭ, što ŭ KDB u jaho vymahali hrošy.

Na pačatku hoda źjaŭlałasia infarmacyja, što Muraŭjoŭ nieŭzabavie apyniecca na voli, bo jamu źmianili mieru ŭtrymańnia — z kałonii na «chimiju».

Čytajcie taksama:

Biznesmien Alaksandr Muraŭjoŭ pieraviedzieny z kałonii na «chimiju» i, imavierna, nieŭzabavie vyjdzie na volu

Kamientary2

  • Pravdorub
    14.03.2023
    Vyjechał tuda, kuda babki vyvieł, čto tut udivitielnoho?
  • Nnpp
    16.03.2023
    Tema 200 miljonaŭ eŭra nie rasčyniena.

Ciapier čytajuć

Čamadanava raskazała, što kateharyčna nielha abmiarkoŭvać na kuchniach11

Čamadanava raskazała, što kateharyčna nielha abmiarkoŭvać na kuchniach

Usie naviny →
Usie naviny

Siamja biełarusaŭ akazałasia ŭ dvuch roznych asiarodkach emihracyi. Muž nie moža trapić da žonki ŭ Hruziju, a jana — atrymać vizu da jaho ŭ Polšču10

Alimpijskaja čempijonka pa bijatłonie prapała ŭ harach Pakistana1

Mahutny ziemlatrus kala bierahoŭ Kamčatki pryvioŭ da cunami, u Japonii i na Havajach abvieščana evakuacyja

Jakija mašyny biełarusy dahetul aktyŭna viazuć z ZŠA7

Biełarus raspracavaŭ pierakładčyk dla biznesu, jaki prynosić jamu miljon dalaraŭ na hod14

U zaaparku Niurnbierha zastrelili 12 babuinaŭ. Dla ich nie chapała miesca6

Minsk proci nočy znoŭ papłyŭ VIDEA3

Servis, jaki dazvalaje dziaŭčatam abmieńvacca źviestkami pra mužčyn, staŭ samym papularnym u ZŠA. Ale niešta pajšło nie tak23

Nad Minskam zichaciać małanki FOTAFAKT2

bolš čytanych navin
bolš łajkanych navin

Čamadanava raskazała, što kateharyčna nielha abmiarkoŭvać na kuchniach11

Čamadanava raskazała, što kateharyčna nielha abmiarkoŭvać na kuchniach

Hałoŭnaje
Usie naviny →

Zaŭvaha:

 

 

 

 

Zakryć Paviedamić