Brytanskaja raźviedka: Kiraŭnictva Rasii sprabuje abvinavacić za pravały na vajnie svajo kamandavańnie
U svajoj tradycyjnaj ranišniaj zvodcy Ministerstva abarony Vialikabrytanii razvažaje pra toje, što, mahčyma, rasijskija ŭłady znajšli sposab advieści ad siabie krytyku hramadskaści za niaŭdačy na poli boju.
Paviedamlajecca, što 3 listapada hienierał-major Alaksandr Lińkoŭ byŭ pryznačany časova v.a. kamandujučaha Centralnaj vajennaj akruhaj Rasii zamiest hienierał-pałkoŭnika Alaksandra Łapina, jaki, miarkujučy pa ŭsim, byŭ adchileny ad pasady ŭ kancy kastryčnika.
Kali heta paćvierdzicca, Łapin papoŭnić śpis zvolnienych z pačatku ŭvarvańnia ŭ lutym 2022 vyšejšych čynoŭ rasijskaj armii. Raniej svaich pasadaŭ taksama byli pazbaŭlenyja načalniki Uschodniaj, Paŭdniovaj i Zachodniaj vajennych akruhaŭ.
Čačenski lidar Ramzan Kadyraŭ i kiraŭnik «PVK Vahniera» Jaŭhien Pryhožyn aktyŭna krytykavali Łapina za vajennyja niaŭdačy na poli boju va Ukrainie.
Hetyja zvalnieńni — prykład taho, jak vinavatym u pravałach na vajnie pakazvajecca vyšejšaje vajennaje kamandavańnie. Častkova heta, mahčyma, źjaŭlajecca sprobaj advieści adkaznaść za pamyłki ad rasijskaha kiraŭnictva ŭ vačach nasielnictva Rasii.
Kamientary