Inflacyja pa vynikach hoda składzie 19%. Taki prahnoz robić urad. Pa vynikach 8 miesiacaŭ jana ŭžo skłała 13,8%.
Siońnia Łukašenka pravodzić naradu z ekanamičnym błokam. Adnoj z tem stała inflacyja, jakaja za 8 miesiacaŭ hetaha hoda ŭžo skłała 13,8%.
Łukašenka pastaviŭ zadaču — «viarnucca ŭ nastupnym hodzie da adnaznačnych vieličyń inflacyi 7-8%».
«Na takija vysokija značeńni inflacyi Saviet Ministraŭ i Nacyjanalny bank pavinny byli adkazać žorstkimi mierami pa strymlivańni cen. Rost cen nivieluje ŭsie našy namahańni pa pavyšeńni zarpłat i piensij», — skazaŭ Łukašenka.
Jon zajaviŭ, što možna zrazumieć rost cen na impartnyja tavary. «Ale čamu my nazirajem pastajannaje pavyšeńnie koštu taho, što vyrablajem sami z ajčynnaj syraviny? Ceny na syravinu nie vyraśli. Na paliva taksama nie vyraśli», — ździŭlajecca jon.
Vinoŭnymi ŭ roście cen u krainie jon nazvaŭ «biazdumnaje ŭviadzieńnie sankcyj», praź jakija «parušyŭsia zvyčajny ŭkład suśvietnaha handlu», a taksama śpiekulantaŭ i pasiarednikaŭ.
«Pasiarednictva być nie pavinna! «Tarhašy» ŭźnimajuć ceny na ŭsich łancužkach», — u katory raz za 28 hod skazaŭ Łukašenka.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary