«Dziaržynski vyratavaŭ vialikuju kolkaść žyćciaŭ». U Licej BDU na liniejku pryjazdžaŭ namieśnik načalnika KDB
Sioleta na liniejkach u mnohich škołach prysutničali pradstaŭniki ź siłavych struktur — prakuratury, SK. U Licej BDU vystupić prysłali namieśnika načalnika KDB.
Pra vizit «Našaj Nivie» viadoma ad niekalkich krynic.
Vystupleńnie kadebista było vielmi karotkim, paru chvilin. U svajoj pramovie jon raskazvaŭ pra Fieliksa Dziaržynskaha, jak toj «šmat dobraha zrabiŭ dla dziaciej, zasnavaŭ słužbu, naščadkam jakoj źjaŭlajecca KDB, vyratavaŭ vialikuju kolkaść žyćciaŭ».
I zaprasiŭ moładź paśla vypusku iści da ich u KDB.
Viadoma, što prapuścić liniejku navučency mahli tolki pa daviedcy ad doktara. Źbirali śpisy tych, chto adsutničaŭ (praŭda, tak było i ŭ papiarednija dva hady). Ci płanavali pieradavać kudy hetyja śpisy, nieviadoma.
U pačatku XX stahodździa VČK, jakim kiravaŭ Dziaržynski, byŭ hałoŭnym represiŭnym orhanam. Tolki ŭ 1918 hodzie VČK rasstralała 6 185 čałaviek, jašče 14 829 čałaviek źmiaścili ŭ turmy, 6 407 — nakiravali ŭ kancentracyjnyja łahiery, 4 068 — uziali ŭ zakładniki.
U 1919 Dziaržynski staŭ kiraŭnikom NKVD.
Pry jaho ŭdziele była zakładziena sistema budučaha savieckaha HUŁAHa.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Ubivať i łomať sud́by ludiej,
eto dla nich obydiennosť!
A vot pośle toho, kak my zachvatim vłasť (k sožaleniju, v 2020 hodu byli prosčiot), to etich khbšnikov budiem pačkami uvolniať. I obiazatielno nado budiet śniesti pamiatniki Leninu po vsiej stranie, kak v Ukrainie.