Błohier Jaŭhien Savin raskazaŭ, što na jaho ŭ Biełarusi zaviali kryminalnuju spravu
Viadomy futbolny błohier Jaŭhien Savin paśla vymušanaha adjezdu z Rasii raspavioŭ pra toje, ź jakoj reakcyjaj sustreŭsia paśla vypusku z ukrainskimi futbalistami i što na jaho ŭ Biełarusi zaviedzienaja kryminalnaja sprava, paviedamlaje «Trybuna».
«Paśla vypusku z ukrainskimi spartoŭcami i vykazvańnia svajoj hramadzianskaj pazicyi ŭ dačynieńni da vajny va Ukrainie prezident FK «Krasava» Savin Jaŭhien pakinuŭ krainu», — skazana ŭ paviedamleńni ŭ videa na jutub-kanale «Krasava».
— Ty razumieŭ, jakimi buduć nastupstvy hetaha vypusku?
— Ja razumieŭ, što budzie cisk na kłub i na mianie, ale, uzvažyŭšy ŭsie za i suprać i paraiŭšysia z žonkaj, vyrašyŭ, što prosta nie mahu ŭ hetaj situacyi maŭčać. Było zrazumieła, što ja nie zmahu ničym zajmacca ŭ hetym žyćci, nie zmahu rabić youtube-kantent, nie zmahu być samim saboj, kali nie skažu ŭ hetaj situacyi toje, što ja dumaju. Pamiž stracham i sumleńniem ja vybraŭ sumleńnie.
U minułym hodzie ŭ mianie byŭ vypusk pra Biełaruś — pra toje, što hulcoŭ za padtrymku pratestaŭ suprać Łukašenki vyhaniali z zbornaj, kłubaŭ pahražali, źbivali fanataŭ. Niadaŭna moj juryst raspavioŭ, što na mianie zaviali kryminalnuju spravu, pa jakoj mnie pahražaje da piaci hadoŭ pazbaŭleńnia voli. Tak što ŭ Biełaruś mnie daroha zakrytaja. I voś tady, hod tamu, mnie ludzi kazali: a kali ŭ Rasii takoje adbudziecca, ty zmožaš pra heta skazać? Ja adkazvaŭ: spadziavajusia, u mianie chopić śmiełaści. Nu, pahladzim ciapier, što ŭ Rasii budzie. Nie ździŭlusia, kali taksama zaviaduć spravu.
Majoj mamie telefanavali paśla vypusku pra Ukrainu na nastupny dzień. Ja nikoli nie čuŭ svaju maci, jakaja płakała ŭ słuchaŭku 50 chvilin. Nikoli ŭ žyćci. Prosta telefanavali ludzi i kazali: Vy kaho vychavali? I mnie chaciełasia prosta znajści hetych ludziej, skazać: słuchajcie, Vy ##### [nafiha] telefanujecie piensijanieram? Patelefanujcie mnie. Što ja zrabiŭ nie tak, kamu zdradziŭ, jakoj radzimie?
Ja viedaju, što ludziej, jakija repościli vypusk, ciahali na dopyty. Naprykład, prosty chłopiec ź Piermi, u jakoha futbolny pablik. Jon raspavioŭ, što jaho vyklikali ŭ milicyju i dapytvali. Raspytvali, ci jość u mianie zamiežnaje finansavańnie. Ja nie ździŭlusia, kali mianie chutka pryznajuć zamiežnym ahientam.
A deputat Dziarždumy ad «Adzinaj Rasii» [Raman] Cieruškoŭ prapanavaŭ «dać maim słovam pravavuju acenku». Pakul što ab nastupstvach nieviadoma. Mahčyma, dadasca jašče adzin «trafiej» akramia biełaruskaj kryminalnaj spravy, — prakamientavaŭ Savin.
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary