Śviet

Pucin pierakidvaje vojski ź Siryi va Ukrainu — izrailskija ŚMI

Pra toje, što rasijskija ŭłady pierakidvajuć vojski ź Siryi va Ukrainu, paviedamiŭ daradca kiraŭnika Administracyi prezidenta Michaił Padalak sa spasyłkaj na izrailskija ŚMI.

Siryjec trymaje partret prezidenta Rasii Uładzimira Pucina i siryjski ściah padčas demanstracyi ŭ padtrymku ŭvarvańnia Rasii va Ukrainu, 20 sakavika 2022 h. Fota: Bilal Hussein / AP

Paviedamleńnie Padalak napisaŭ u svaim tvitary ŭ subotu ŭviečary.

Padalak adznačyŭ, što, jak paviedamlajuć izrailskija ŚMI, Rasija terminova vyvodzić siły ź Siryi, pieradajučy vajennyja bazy «Korpusu Vartavych Isłamskaj revalucyi».

«Maskva zdaje svaje pazicyi ŭ rehijonie, kab padkinuć droŭ (što ničoha nie vyrašaje) u kratar vajny va Ukrainie. Usio jašče idzie «pa płanie», tak? Nu, płan byŭ vydatny. Nadziejny, jak šviejcarski hadzińnik», — napisaŭ Padalak.

Napiaredadni izrailski partał DEBKAfile sa spasyłkaj na krynicy paviedamiŭ, što rasijskija padraździaleńni, raźmieščanyja ŭ Siryi, źbirajucca na avijabazach Chmiejmim, Kamyšli, Dejr-ez-Zor i T4, i niekatoryja ź ich hatovyja da pierakidvańnia na ŭkrainski front, piša «Jeŭrapiejskaja praŭda». Vajennyja krynicy paviedamili, što rasijanie pieradajuć klučavyja bazy «Korpusu Vartavych Isłamskaj revalucyi» i «Chizbale».

Padobnuju infarmacyju sa spasyłkaj na krynicy paviedamlała The Moscow Times. Vydańnie padkreśliła, što dakładnaja kolkaść siryjskich hrupovak u Rasiei pakul nieviadomaja.

Novy kamandujučy vojskami va Ukrainie hienierał Dvornikaŭ prajšoŭ siryjskuju vajnu, i ad Pucina, mahčyma, atrymaŭ zadańnie pieramahčy da 9 maja. Jon byŭ pryznačany ŭ pačatku krasavika.

U subotu kiraŭnik CRU Uiljam Biorns zajaviŭ, što Uładzimir Pucin nie moža dazvolić sabie prajhrać va Ukrainie, tamu hatovy padvoić staŭki.

Kamientary

Ciapier čytajuć

Cichanoŭski raskazaŭ, što treba było rabić u žniŭni 2020-ha58

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

Papularnaja minskaja šaŭrmiennaja trapiła ŭ skandał. Što zdaryłasia2

U Mahilovie padčas niepahadzi žančynu zabiła drevam, jašče čatyry čałavieki paciarpieli

Biełaruska paśla płatnaj miedycyny pajšła ŭ dziaržaŭnuju i raskazała svaje ŭražańni7

U Abu-Dabi pačalisia pieramovy Pašyniana i Alijeva3

Čarha na polskaj miažy kančatkova rassmaktałasia2

Kiełah: Ukrainie patrebny novy «Płan Maršała»4

Nie tolki «kitajcy». Jakija biudžetnyja novyja aŭto prapanuje biełaruski rynak8

Kijeŭ zaznaŭ masiravanuju ataku dronami i balistykaj

Niepahadź učora nabiedakuryła ŭ Mahilovie2

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha58

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić