Biełaruskija NPZ praciahvajuć pracavać na ŭnutrany rynak paśla ŭviadzieńnia sankcyj Jeŭrasajuza ŭ dačynieńni da naftapraduktaŭ. Pra heta ŭ Jekaciarynburhu paviedamiŭ vice-premjer Juryj Nazaraŭ, źviartaje ŭvahu reform.by.
«Va ŭmovach abmiežavańniaŭ, u tym liku sankcyjnych, z-za jakich my nie možam pastaŭlać u Jeŭrasajuz, my aptymizavali pierapracoŭku nafty na našych dvuch zavodach, kab zabiaśpiečyć patrebnaści ŭnutranaha rynku», — skazaŭ jon
Nazaraŭ pry hetym padkreśliŭ, što ŭdałosia atrymać vyhadnyja ceny na naftu ad Rasii. Baki admovilisia ad formulnaha cenaŭtvareńnia.
Pry hetym jon nie raskryŭ padychodaŭ da vyznačeńnia cany, ale rastłumačyŭ, što jana naminavanaja ŭ rasijskich rublach.
«U hetaj situacyi my damovilisia z rasijskim bokam ab cenaŭtvareńni na naftu, u nas absalutna kamfortnaja cana. My adyšli ad «formulnych» cenaŭtvareńniaŭ i płaciažoŭ za tonu nafty. Nam jana zrazumiełaja, u rasijskich rublach. Pytańnie vyrašanaje», — skazaŭ Nazaraŭ.
Jon taksama zajaviŭ, što Biełaruś i Rasija ŭstalavali ćviorduju canu na haz da kanca hoda.
«Siońnia cana za haz, za tysiaču kubamietraŭ hazu na miažy Respubliki Biełaruś, ustanoŭlenaja ćviordaja da kanca hoda», — skazaŭ jon.
Vice-premjer znoŭ ža nie staŭ nazyvać canu. Pieršapačatkova jana była vyznačanaja ŭ dalarach i składała 128 dalaraŭ za tysiaču kubamietraŭ. U 2023 hodzie baki majuć namier pracavać na novych pryncypach farmavańnia koštu.
«U nas pieršaje paŭhodździe — heta adpracavać miechanizm farmavańnia koštu ŭ ramkach Sajuznaj dziaržavy. Siońnia ŭ nas kamfortnyja ŭmovy, zrazumiełyja i prazrystyja», — dadaŭ Nazaraŭ.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary