«Ludzi išli mienavita da jaho. Nu, a ciapier voś tak…» Što adbyvajecca ŭ lakarniach, artapiedy ź jakich zatrymanyja
Bolš za dziesiać dzion prajšło z taho dnia, jak u krainie masava zatrymali traŭmatołahaŭ-artapiedaŭ (pa roznych danych — ad 25 da 50 čałaviek). Aficyjnych kamientaryjaŭ na hety kont da hetaha času niama. «Zierkało» daviedałasia, što ciapier adbyvajecca u balnicach, dzie adsutničajuć daktary.
U 11-j haradskoj balnicy Minska, pa infarmacyi ad čytačoŭ, zatrymali dvuch uračoŭ-artapiedaŭ. Apieracyi pa pratezavańni sustavaŭ tut pravodzilisia tolki płatna. Da niadaŭniaha času. Ale bolš za tydzień tamu ich pastavili na paŭzu. Pryčym usie.
«Paśla 4 traŭnia telefanujcie, i my vyrašym užo, na jaki čas», — raspaviali ŭ pryjomnaj.
Pa słovach adnaho z supracoŭnikaŭ lakarni, z prychodam novaha hałoŭnaha ŭrača kolkaść apieracyj tut prykmietna vyrasła: z 1-3 u tydzień da 2-3 u dzień.
«Ludzi išli mienavita da jaho, — tłumačyć rabotnik. — Nu, a ciapier… Ciapier voś tak…»
U RNPC traŭmatałohii i artapiedyi, nakolki viadoma, zatrymali čaćviarych uračoŭ. U centry śpiecyjalizujucca tolki na biaspłatnych apieracyjach. Ich praciahvajuć rabić. Praŭda, čarha vializnaja.
«Zapis na kansultacyju — siaredzina červienia, a čarha na apieracyju — 4 hady», — rastłumačyli ŭ centry.
U Minskaj abłasnoj balnicy apieracyi pa endapratezavańni prachodziać pa płanie. Praŭda, da dvuch zahadčykaŭ artapiedyčnych adździaleńniaŭ ciapier nie trapić. Adzin «u adpačynku na niavyznačany termin». Druhoha na pracoŭnym miescy taksama niama i, pa słovach supracoŭnikaŭ, nie budzie.
«Vy ŭžo jaho nie znojdziecie tut», — uzdychnuli kalehi doktara ŭ ardynatarskaj i pakłali słuchaŭku.
Čerhi ŭ abłasnoj balnicy vialikija. U sakaviku lekary stavili pratezy tazaściehnavych sustavaŭ tym, chto zapisvaŭsia ŭ krasaviku 2019 hoda, a kalennyja — tym, chto adpraŭlaŭ zajaŭku ŭ červieni 2017 hoda.
Krychu lepšaja situacyja ŭ Viciebskaj abłasnoj balnicy. Apieracyi pa pratezavańni ściehnavoha sustava robiać tym, chto staŭ u čarhu z 2019 hoda, a kalennaha — z 2018-ha. Adnak zapisacca možna daloka nie da ŭsich lekaraŭ. Naprykład, da zahadčyka traŭmatałahičnaha adździaleńnia nielha.
«Jaho ciapier niama, apieracyi robiać inšyja lekary… — tłumačać u balnicy. — Čamu niama? Pa peŭnych abstavinach».
Miž tym, čerhi ŭ niekatorych abłasnych balnicach vializnyja navat pry najaŭnaści śpiecyjalistaŭ. Tak, naprykład, u Homielskaj balnicy № 1 ciapier pravodziać apieracyju pa pratezavańni kalennaha sustava pacyjentcy, jakaja zapisałasia ŭ vieraśni 2014 hoda.
To-bok situacyja z pratezavańniem u krainie i tak była niaprostaj, a ciapier siłaviki jaje jašče ŭskładnili.
Čytajcie taksama:
«Sprava traŭmatołahaŭ»: ludziej nie vypuskajuć praz 10 sutak, stali viadomyja detali abvinavačvańnia
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary