Prezident Hiermanii Štajnmajer: Ja pamylaŭsia. My pravalili stvareńnie ahulnaha jeŭrapiejskaha domu
Paśla žorstkaj krytyki z boku ŭkrainskaha pasła fiederalny prezident Hiermanii Frank-Valter Štajnmajer pryznaŭ svaje pamyłki ŭ adnosinach z Uładzimiram Pucinym i kaža pra «horki bałans».
Prezident Hiermanii Frank-Valter Štajnmajer pryznaŭ pamyłki ŭ svajoj minułaj palitycy ŭ dačynieńni da Rasii. Najpierš pamyłkovaj jon pryznaŭ svaju prapahandu rasijska-niamieckaha hazapravoda «Paŭnočny patok — 2», jaki jašče ŭ minułym hodzie nazyvaŭ «mostam» u adnosinach pamiž dźviuma krainami.
«Maja prychilnaść da «Paŭnočnaha patoka — 2», vidavočna, była pamyłkaj», — skazaŭ Štajnmajer u hutarcy z žurnalistami.
«My zatrymalisia na tych mastach, u jakija Rasija bolš nie vieryła i pra jakija nas papiaredžvali našy partniory», — skazaŭ prezident.
Dniami ambasadar Ukrainy ŭ Hiermanii Andrej Mielnik žorstka raskrytykavaŭ Štajnmajera. Jon zakinuŭ niamieckamu prezidentu niesurjoznaje staŭleńnie da nieabchodnaści razryvu stasunkaŭ z Rasijaj i abvinavaciŭ jaje ŭ zališniaj blizkaści z Maskvoj na fonie raźviazanaj joju vajny suprać Ukrainy.
«Z punktu hledžańnia Pucina niama ni ŭkrainskaha naroda, ni movy, ni kultury, a takim čynam i dziaržavy. Štajnmajer, padobna, padzialaje mierkavańnie ab tym, što ŭkraincy na samaj spravie nie źjaŭlajucca subjektam», — skazaŭ Mielnik.
Štajnmajer nie zahnievaŭsia na takuju rezkuju pazicyju dypłamata, a naadvarot, pryznaŭ šmat u čym jaho racyju. Jon patłumačyŭ svaju raniejšuju pazicyju:
«Maja acenka zaklučałasia ŭ tym, što Uładzimir Pucin nie pahodzicca na poŭny ekanamičny, palityčny i maralny krach svajoj krainy za svaju impierskuju pamyłku. Jak i inšyja, ja pamylaŭsia».
Paśla hetaha jon skazaŭ pra «horki bałans» rasijskaj palityki:
«My pravalili stvareńnie ahulnaha jeŭrapiejskaha domu, u jaki budzie ŭklučanaja Rasija. My paciarpieli niaŭdaču z padychodam intehracyi Rasii ŭ ahulnuju architekturu biaśpieki».
Štajnmajer, adnak, adchiliŭ abvinavačvańnie Mielnika ŭ tym, što jaho nie chvalujuć prablemy Ukrainy.
«Ja vielmi pakutuju razam z narodam Ukrainy, — skazaŭ jon. — Paśla pačatku 2014-ha nivodnaja inšaja kraina nie ŭpłyvała na maju pracu tak mocna».
Historyk i palityčny analityk Alaksandr Frydman, kamientujučy hetyja vykazvańni niamieckaha prezidenta, adznačaje:
«Hetaja pieraacenka svajoj palityki zapoźnienaja, ale jana, adnak, śviedčyć pra fundamientalny razryŭ Hiermanii z pucinskaj Rasijaj. Kali z takoj zajavaj vystupaje były najbližejšy paplečnik eks-kanclera i rasijskaha łabista Hiercharda Šrodera, to možna nie sumniavacca, što lod sapraŭdy kranuŭsia».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary