Brytanski premjer pieraściaroh RF ad ahresii suprać Ukrainy. Uvarvańnie ŭ hetuju krainu, pavodle Džonsana, stanie palityčnaj, humanitarnaj i vajskovaj katastrofaj. Jon pryhraziŭ sankcyjami suprać Rasii ŭ samyja pieršyja chviliny vajny, pieradaje DW.
Premjer-ministr Vialikabrytanii Borys Džonsan padčas vizitu ŭ Kijeŭ u aŭtorak, 1 lutaha, paabiacaŭ Ukrainie padtrymku.
«My bačym kancentracyju vialikaj kolkaści vojskaŭ, padrychtoŭku da roznaha rodu apieracyj, jakija pakazvajuć na budučuju vajennuju kampaniju», — skazaŭ Džonsan na sumiesnaj pres-kanfierencyi z prezidentam Ukrainy Uładzimiram Zialenskim.
Pavodle jaho, «dalejšaje ŭvarvańnie Rasii va Ukrainu było b palityčnaj i humanitarnaj katastrofaj, a taksama vajennaj katastrofaj», pryčym jak dla Rasii, tak i dla śvietu, a taksama «paražeńniem dla prezidenta Pucina».
Sankcyi, uzhodnienyja z SŠA i inšymi sajuźnikami, buduć uviedzienyja nieadkładna ŭ vypadku ahresii.
«Žyćciova važna, kab u Maskvie razumieli, što sankcyi aŭtamatyčna nabuduć moc u tuju chvilinu, kali naha rasijskaha sałdata pierastupić ukrainskuju miažu», — skazaŭ brytanski premjer.
U Džonsana niama sumnievaŭ u tym, čaho damahajecca Kreml — ustanavić novyja zony ŭpłyvu, prymusić Zachad źmianić pohlad na architekturu jeŭrapiejskaj biaśpieki.
«Rasija sprabuje padarvać takuju architekturu i pieramalavać kartu biaśpieki Jeŭropy, ustanavić novyja zony ŭpłyvu. I heta budzie tyčycca nie tolki Ukrainy, ale i Hruzii, Małdovy, inšych krain».
Premjer-ministr Vialikabrytanii nahadaŭ ab pravie Ukrainy samastojna vyznačać, jak arhanizoŭvać žyćcio saich hramadzian i da jakoj arhanizacyi dałučacca.
U aŭtorak ministr zamiežnych spraŭ Ukrainy Dźmitryj Kuleba anansavaŭ stvareńnie aljansu Ukrainy, Polščy i Vialikabrytanii.
Pavodle jaho, novy farmat nie pryviazany da łakalnaj hieahrafii — «heta abjadnańnie krain, jakija padzialajuć ahulnyja pryncypy, imknucca ŭmacoŭvać biaśpieku i raźvivać handal, hatovyja da kankretnych dziejańniaŭ».
Čytajcie taksama:
Borys Džonsan: Zachodnija sankcyi pačnuć dziejničać aŭtamatyčna, jak tolki Rasija napadzie na Ukrainu
«Kab nie było kudy schavacca»: Zachad rychtuje «rujnujučyja» sankcyi suprać Rasii ŭ vypadku ŭvarvańnia va Ukrainu
Amierykanski sienatar nie vyklučyŭ uviadzieńnie sankcyj suprać Rasii avansam
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary