Borys Džonsan: Zachodnija sankcyi pačnuć dziejničać aŭtamatyčna, jak tolki Rasija napadzie na Ukrainu
Premjer-ministr Vialikabrytanii Borys Džonsan zajaviŭ, što padrychtavanyja ŭ Jeŭrasajuzie i ZŠA sankcyi suprać Rasii na vypadak jaje ahresii suprać Ukrainy nabuduć moc u toj ža momant, jak rasijskija vojski pierasiakuć ukrainskuju miažu, piša Radyjo Svaboda.
«My razam ź inšymi dziaržavami rychtujem pakiet sankcyj i inšych zachadaŭ, jaki budzie aktyvavany ŭ tuju samuju chvilinu, jak naha rasijskaha žaŭniera pierasiače ŭkrainskuju miažu i stupić na ŭkrainskuju terytoryju»,
— zajaviŭ Borys Džonsan 1 lutaha ŭ Kijevie paśla sustrečy z prezidentam Ukrainy Uładzimiram Zialenskim.
Premjer Vialikabrytanii ličyć, što ciapier vielmi važna, kab u Maskvie zrazumieli, što sankcyi nabuduć moc aŭtamatyčna, u tuju ž chvilinu, kali pačniecca ŭvarvańnie na terytoryju suvierennaj Ukrainy. Brytanski premjer dadaŭ, što jeŭrapiejskija sankcyi i sankcyi ZŠA pačnuć pracavać adnačasova.
Taksama Džonsan paviedamiŭ, što Vialikabrytanija budzie dapamahać Ukrainie akazvać supraciŭ ahresii Rasii. Što jahonaja kraina ŭžo pieradała 2 tysiačy supraćtankavych rakietnych sistem, a taksama navučaje vajskoŭcaŭ Ukrainy. Akramia taho, brytanski ŭrad nakiruje Ukrainie 88 miljonaŭ funtaŭ na realizacyju prajektaŭ dziela ŭmacavańnia enierhietyčnaj biaśpieki.
Borys Džonsan pierakanany, što ahresija Rasii suprać Ukrainy budzie vialikaj palityčnaj i humanitarnaj katastrofaj.
«Mnie zdajecca, što heta było b i vajskovaj katastrofaj jak dla Rasii, hetak i dla śvietu. Patencyjnaje ŭvarvańnie było b paražeńniem i dla prezidenta Pucina».
Čytajcie taksama:
«Kab nie było kudy schavacca»: Zachad rychtuje «rujnujučyja» sankcyi suprać Rasii ŭ vypadku ŭvarvańnia va Ukrainu
Amierykanski sienatar nie vyklučyŭ uviadzieńnie sankcyj suprać Rasii avansam
NYT: Amierykanskija sankcyi mohuć zrujnavać ekanomiku Rasii, ale staviać pad pahrozu i suśvietnuju finansavuju sistemu
Analena Bierbak: Siarod mieraŭ reahavańnia na rasijskuju ahresiju razhladajucca sankcyi ŭ dačynieńni da «Paŭnočnaha patoka — 2»
Kiraŭnik Lidy zaklikaŭ siłavikoŭ nie spyniać palityčnych represij28
Kamientary