«Kab nie było kudy schavacca»: Zachad rychtuje «rujnujučyja» sankcyi suprać Rasii ŭ vypadku ŭvarvańnia va Ukrainu
U paniadziełak u brytanskim parłamiencie pradstaviać zakonaprajekt, jaki dazvolić pašyryć śpis aktyvaŭ i ludziej, što patencyjna padpadajuć pad sankcyi ŭ vypadku ŭvarvańnia Rasii va Ukrainu.
Pra heta ŭ niadzielu paviedamiła ministr zamiežnych spraŭ Vialikabrytanii Liz Tras, dadaŭšy, što pad novyja sankcyi mohuć patrapić rasijskija finansavyja ŭstanovy, enierhietyčnyja kampanii i firmy i asoby, jakija padtrymlivajuć rasijskuju ŭładu, piša Bi-bi-si.
«My chočam pašyryć achop, kab pad sankcyi mahła trapić lubaja kampanija, jakaja ŭjaŭlaje cikavaść dla Kramla, i sam rasijski režym, kab pucinskim aliharcham i kampanijam, jakija padtrymlivajuć rasijskuju dziaržavu, nie było kudy schavacca», — skazała kiraŭnica źniešniepalityčnaha ofisa.
Tym časam dva viadučyja amierykanskija sienatary — demakrat Bob Mienendes i respublikaniec Džejms Ryš — zajavili, što ZŠA mohuć abviaścić novyja sankcyi suprać Rasii ŭžo na hetym tydni.
U Sienacie rychtujecca zakonaprajekt ab sankcyjach, jon budzie nakiravany suprać viadučych rasijskich bankaŭ i suvierennaha doŭhu Rasii, paviedamlaje «Rejters», pryčym niekatoryja sankcyi mohuć ustupić u dziejańnie jašče da mahčymaha rasijskaha ŭvarvańnia — za toje, što Maskva ŭžo zrabiła, u tym liku za kibierataki suprać Ukrainy, «apieracyi pad čužym ściaham» i sproby padarvać znutry ŭkrainski ŭrad.
Čytajcie taksama:
Kali Rasija napadzie na Ukrainu ź biełaruskaj terytoryi, ci buduć ukraincy bić pa Biełarusi?
David i Halijaf: paraŭnoŭvajem siły rasijskaj i ŭkrainskaj armij
«My vośmy hod vajujem i pryvykli». Što va Ukrainie dumajuć pra mahčymaje rasijskaje i biełaruskaje ŭvarvańnie?
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ33
Kamientary