Łukašenku nie zaprasili na bankiet z nahody adkryćcia Alimpijady. Tam buduć Pucin i navat Rachmon ź Bierdymuchamiedavym
Śpis 30 haściej, jakija buduć na vitalnym bankiecie, byŭ apublikavany na sajcie ministerstva zamiežnych spraŭ Kitaja. Na im buduć prysutničać mižnarodnyja vysokija asoby, jakija ŭdzielničajuć u cyrymonii adkryćcia zimovych Alimpijskich hulniaŭ. Alaksandr Łukašenka i jaho syn Viktar u mierapryjemstvach udziełu nie prymuć, bo znachodziacca pad sankcyjami MAK.
Jak značycca na sajcie MZS Kitaja, na bankiet zaprošanyja kala 30 vysokich haściej. Siarod ich mała kiraŭnikoŭ zachodnich demakratyčnych dziaržaŭ (naprykład, prezident Polščy), bo mnohija krainy abvieścili dypłamatyčny bajkot Alimpijadzie ŭ Piekinie, to-bok nie dasyłajuć svaich kiraŭnikoŭ, a tolki spartsmienaŭ.
Tamu ŭ śpisie značnaja kolkaść pradstaŭnikoŭ aŭtarytarnych režymaŭ. Na bankiecie budzie Uładzimir Pucin, Emamali Rachmon z Tadžykistana, prezident Turkmienistana Hurbanhuły Bierdymuchamiedaŭ, prezident Uźbiekistana Šaŭkat Mirzijojeŭ i h.d. Ź vitalnaj pramovaj vstupić Si Czińpin.
Navat u situacyi dypłamatyčnaha bajkotu Łukašenak nie zaprasili na Alimpijadu.
U śniežni 2020 hoda vykankam Mižnarodnaha alimpijskaha kamitetu pastanaviŭ, što «ciapierašniaje kiraŭnictva NAK naležnym čynam nie abaraniła biełaruskich spartoŭcaŭ ad palityčnaj dyskryminacyi», što supiarečyć Alimpijskaj chartyi.
Vykankam MAK zabaraniŭ na toj čas staršyni NAK Alaksandru Łukašenku i jaho starejšamu synu Viktaru, jaki źjaŭlaŭsia pieršym vice-prezidentam NAK Biełarusi, naviedvać Alimpijadu ŭ Tokijo-2020.
Pryčyna — u cisku na spartoŭcaŭ, jakija padtrymali pratesty i padpisali list suprać hvałtu, taksama spartoŭcaŭ prymušali padpisać praŭładny list. Podpisy niekatorych pastavili bieź ich viedama.
Paźniej da śpisa biełaruskich spartovych skandałaŭ dadałasia jašče i historyja ź lehkaatletkaj Kryścinaj Cimanoŭskaj, jakuju prymusova chacieli vysłać z Tokia ŭ Biełaruś.
Kavid, kancłahiery, ekanamičny kryzis, dypłamatyčny bajkot i rasijska-ŭkrainski kanflikt. Śviet z tryvohaj čakaje piekinskaj Alimpijady
Siarhiej Dalidovič: «Za što junuju spartsmienku pazbaŭlajuć prava zajmacca sportam u svajoj krainie?»
«Trapiła ŭ śpis iudaŭ». Čempijonka Biełarusi pa konnym sporcie pra toje, jak admoviłasia padpisvać praŭładny list i źjechała ŭ Polšču
Ciapier čytajuć
Anatol Kotaŭ užo vyjazdžaŭ u Turcyju i ličyŭ jaje biaśpiečnaj — krynicy8
Kamientary