Novy mužčynski trend? Minski błohier zrabiŭ sabie pierasadku vałasoŭ
Błohier Maksim Puškin na niekalki dzion palacieŭ u Turcyju. Nie na adpačynak, a na apieracyju pa pierasadcy vałasoŭ. U sacsietkach jon raspavioŭ, čamu rašyŭsia na takija źmieny ŭ 26 hod i kolki heta kaštavała.
Rabić apiercyju ŭ Stambule chłopiec vyrašyŭ, bo tam tańniej i lepšyja śpiecyjalisty. Na pytańnie padpisčykaŭ «navošta, kali i tak vyhladaŭ harmanična» jon žartaŭliva adkazaŭ:
«Ja bačyŭ, što hetaj harmonii zastałosia na paru hod. Vyrašyŭ zahadzia dadać».
Pierasadka zaniała vosiem hadzin. Jana rabiłasia pad miascovaj aniestezijaj. Spačatku z patylicy z dapamohaj admysłovaj mašynki i pinceta zabrali vałasianyja falikuły (hrafty), paśla ich šprycom-pistaletam pierasadzili na łob.
Pierad usimi manipulacyjami doktar markieram maluje liniju vałasoŭ i ŭzhadniaje z pacyjentam, jakim jon siabie choča bačyć.
«Cana pierasadki — 2800 dalaraŭ. U hetu sumu ŭvachodzić pražyvańnie ŭ hateli (dźvie nočy), sama pierasadka, miedykamienty, ježa, tranśfier u aeraport. Kvitki na samalot treba nabyć samomu», — raskazaŭ Maksim u instahramie.
Pieršy tydzień da toj častki hałavy, kudy pierasadzili vałasy, nielha dakranacca. Myćcio vyhladaje tak: spačatku Pantenoł na 40 chvilin, paśla šampuń. Praz 10 dzion usie pierasadžanyja vałasy vypaduć. Novyja hustyja adrastuć tolki praz 3-4 miesiacy.
Błohier dzielicca, što maralna pieranieści apieracyju było niaprosta — «na 7 z 10».
Niadaŭna pierasadku vałasoŭ zrabiŭ taksama biełaruski dyzajnier Apci Ezijeŭ.
Biełaruski dyzajnier zrabiŭ sabie pierasadku vałasoŭ. FOTY
Jak ciapier žyvie pieramožca pieršaha konkursu «Mis Biełaruś»
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary