Biełaruski dyzajnier zrabiŭ sabie pierasadku vałasoŭ. FOTY
Dyzajnier adzieńnia Apci Ezijeŭ źjeździŭ u Turcyju, kab zrabić pierasadku vałasoŭ. Jak vyhladaje apieracyja i kolki jana kaštuje?
«Šmat pryčyn, jakija paŭpłyvali na vypadzieńnie vałasaŭ na piaredniaj častcy hałavy, — stresy, adnosiny ź ludźmi, sacyjalnyja sietki, nieadekvatnyja kamientary, hienietyka, vialikaja kolkaść testasteronu. Vychadam stała pierasadka, pakolki inšyja varyjanty nie dapamahali — ni minaksidził (kaśmietyčny srodak dla stymulacyi rostu vałasoŭ — «NN»), ni sotni ŭkołaŭ u hałavu ź vitaminami, ni charčavańnie», — raspavioŭ Apci ŭ instahramie.
Pierasadku mužčyna rabiŭ u klinicy Stambuła. Usia apieracyja zaniała dzieviać hadzin. Za hety čas pierasadzili 4000 falikułaŭ i zrabili nižejšaj liniju rostu vałasoŭ.
Vałasianyja cybuliny brali z patylicy. Pierad hetym zrabili kala 15 ukołaŭ anestezii. Jašče stolki ž zrabili ŭ piaredniuju častku hałavy, pierad tym jak pierasdžvać falikuły.
«Z usiaho času treba paciarpieć tolki 5-10 chvilin padčas anestezii», — kaža dyzajnier.
Ale bol viartajecca paśla apieracyi — pieršyja piać hadzin jaho składana pieranosić.
Vynikam Ezijeŭ zastaŭsia zadavoleny.
«Pju antybijotyki, nie našu bolš kiepki, kapiušony, nie karystajusia ručnikami. Miesiacy try-čatyry budu chadzić łysy, paśla vałasy pačnuć adrastać. Zastanucca mocnyja cybuliny, słabyja vypaduć. I daviadziecca spać na śpinie».
Ahułam apieracyja plus pieraloty i pražyvańnie ŭ Stambule jamu abyšlisia ŭ $4000.
Chejteram dyzajnier adkazaŭ:
«Nie kožny moža žyć z dumkaj, što Apci maje idealnaje spartyŭnaje cieła, pryhožyja zroblenyja praporcyi tvaru, biełyja zuby, idealnuju formu vałasoŭ, dobry hust, pracavitaść, paśpiachovaść i hodnaść!»
Heta nie pieršaja transfarmacyja, na jakuju rašyŭsia dyzajnier. Niekalki hod tamu jon zrabiŭ płastyku nosa — prybraŭ harbinku i zrabiŭ nos tančejšym
-
Hety architektar prajektuje padziemnyja harady dla samych bahatych na vypadak Treciaj suśvietnaj vajny
-
Zornaja biełaruskaja intelektuałka pajšła na realici ad TNT — budzie pleści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary