Pra namier pieranieści stalicu było abvieščana jašče ŭ 2019 hodzie, ale nazvu abrali tolki ciapier. Nusantara ŭ pierakładzie aznačaje «archipiełah».
Novaja stalica Indaniezii budzie raźmiaščacca na paŭdniovym uschodzie vostrava Kalimantan.
Pra toje, što jaje vyrašyli nazvać Nusantaraj, što ŭ pierakładzie aznačaje «archipiełah», paviedamiŭ indaniezijski ministr płanavańnia nacyjanalnaha raźvićcia Sucharsa Monaarfa.
Takaja nazva, pa słovach ministra, była abranaja, bo jaje ŭžo nibyta daŭno viedajuć u śviecie. Akramia taho, takaja nazva prostaja i charaktaryzuje Indanieziju jak archipiełah.
Sapraŭdy, słova «Nusantara» choć i nie ahulnapašyranaje, ale viadomaje prynamsi ludziam, jakija viedajuć Indanieziju i jaje historyju choć by bolš-mienš hłyboka. Hety termin u siaredniaviečnaj javanskaj litaratury aznačaŭ terytoryju, jakaja ŭvachodziła ŭ skład impieryi Madžapachit z centram na vostravie Java. A ciapier heta paetyčnaja nazva Indaniezii (archipiełah, Radzima).
Prezident Indaniezii Džoka Vidoda ŭ 2019 hodzie abviaściŭ, što stalicu pieraniasuć z Džakarty, bo horad, pa-pieršaje, pieranasieleny, a pa-druhoje, z-za svajho stanovišča blizka pry mory pastajanna zataplivajecca. Tym nie mienš, Džakarta, u jakoj žyvie bolš za 10 młn čałaviek, zastaniecca dziełavym i ekanamičnym centram Indaniezii.
Ź pieranasielenaściu Džakarty sapraŭdy vialikaja prablema. Kampanija Uber publikavała daśledavańnie, zhodna ź jakim u Džakarcie aŭtamabilisty pravodziać u korkach 22 dni ŭ hodzie — heta samy vysoki pakazčyk u Azii.
Budaŭnictva novaj stalicy płanavali pačać u 2020 hodzie, adnak prajekt byŭ adkładzieny z-za pandemii COVID-19.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary