Data razhladu jašče nie pryznačanaja, adznačyli ŭ pres-słužbie Viarchoŭnaha suda.
Pavodle infarmacyi Hienprakuratury, abvinavačanaja sumiesna ź inšymi asobami, u tym liku zamiežnymi hramadzianami, «stvaryła i administravała šerah telehram-kanałaŭ. Ich dziejnaść była nakiravanaja na dyskredytacyju dziejsnaj ułady Biełarusi i jaje pravaachoŭnaha błoka, raspalvańnie sacyjalnaj varožaści, a taksama arhanizacyju złačynstvaŭ u dačynieńni da asobnych katehoryj hramadzian».
Paviedamlajecca, što takim čynam byli raźmieščanyja piersanalnyja źviestki nie mienš čym 238 čałaviek: rabotnikaŭ milicyi, prakurora, sudździaŭ, niekatorych dziaržsłužačych, žurnalistaŭ.
U vyniku dziaŭčynie vystaŭlenaje abvinavačvańnie pa siami artykułach Kryminalnaha kodeksa Biełarusi.
Safija Sapieha była zatrymanaja 23 maja razam z Ramanam Pratasievičam paśla pasadki ŭ Minsku rejsa Ryanair Afiny — Vilnia. Jana napisała prašeńnie ab pamiłavańni na imia Alaksandra Łukašenki.
«Heta katastrofa i dla jaje, i dla nas». Ajčym Safii Sapiehi prakamientavaŭ vystaŭleńnie abvinavačvańnia dačce
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary