Zaŭziataram viernuć hrošy za kvitki.
Letnija Alimpijskija i Paralimpijskija hulni ŭ Tokia projduć biez zaŭziataraŭ z-za miažy ŭ suviazi ź situacyjaj z pandemijaj. Takoje rašeńnie ŭ subotu pryniali arhanizatary spabornictvaŭ pa vynikach anłajn-sustrečy, paviedamlajuć infarmahienctvy.
Rašeńnie adnosna jakich-niebudź abmiežavańniaŭ na prysutnaść japonskich hledačoŭ na spartyŭnych abjektach budzie pryniata ŭ krasaviku.
Arhanizatary Alimpijady ŭ Tokia kampiensujuć zaŭziataram vydatkavanyja hrošy.
Usiaho da hetaha času pradadziena kala 4,4 młn kvitkoŭ na Alimpijadu, 970 tys. — na Paralimpijadu. Ź ich kala 1 młn kvitkoŭ nabyli zamiežniki.
Alimpijada ŭ Tokia pavinna była prajści ad 24 lipienia da 9 žniŭnia 2020 hoda. Adnak z-za pandemii spabornictvy byli pieraniesienyja na hod i adbuducca ad 23 lipienia da 8 žniŭnia 2021 hoda.
Ciapier u Japonii dziejničaje faktyčnaja zabarona na vydaču novych viz hramadzianam usich krain i rehijonaŭ śvietu ŭ suviazi z vyjaŭleńniem u Vialikabrytanii novaha štamu karanavirusa. U krainu mohuć ujechać tolki hramadzianie Japonii i zamiežniki, jakija majuć doŭhaterminovyja vizy i pastajanna žyvuć u Japonii.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary