Śviatłana Cichanoŭskaja sychodzić na samaizalacyju: jana sustrakałasia ź ministram sa Słavienii, u jakoha stanoŭčy test
Lidar biełaruskaj apazicyi Śviatłana Cichanoŭskaja sychodzić na samaizalacyju i projdzie test na COVID-19 paśla sustrečy ŭ pačatku hetaha tydnia ź ministram zamiežnych spraŭ Słavienii, u jakoha stanoŭčy vynik na karanavirus.
«Heta nie zaminaje pracy jaje kamandy», — pierakananaja jaje pres-sakratar Hanna Krasulina.
Litva, dzie žyvie Cichanoŭskaja, patrabuje 14-dzionnaha pieryjadu samaizalacyi dla ŭsich, chto mieŭ kantakt z kimści, chto daŭ stanoŭčy vynik testu.
Ministry zamiežnych spraŭ Estonii, Łatvii i Litvy taksama samaizalujucca paśla sustrečy sa svaim słavienskim kaleham Anže Łaharam na hetym tydni, paviedamlajuć ich pres-słužby i paviedamleńni ŭ Twitter.
Łahar daŭ stanoŭčy vynik na karanavirus u piatnicu paśla pajezdki ŭ Estoniju, Litvu i Łatviju, paviedamiła dziaržaŭnaje infarmacyjnaje ahienctva STA.
Kamientary