Skarhu Ježy Hryhienčy z Hrodna abłasny sud nie zadavoliŭ — jaho pasadziać na dziesiać sutak, ale paźniej
Ježy Hryhienča, hrodna.life
Hrodzienski abłasny sud nie zadavoliŭ skarhu Ježy Hryhienčy na rašeńnie suda Leninskaha rajona, jaki prysudziŭ jamu dziesiać sutak aryštu za ŭdzieł u «Łancuhu salidarnaści», paviedamlaje hrodna.life.
13 lipienia sudździa Łarysa Barel prysudziła Ježy Hryhienču 10 sutak administracyjnaha aryštu za ŭdzieł u niesankcyjanavanym mierapryjemstvie ŭ Hrodnie. Pad aryšt Hryhienču dahetul nie ŭziali, spasyłajučysia na adsutnaść dakumientaŭ.
Skarhu 20 lipienia ŭ Hrodzienskim abłasnym sudzie razhladaŭ sudździa Valeryj Ramanoŭski. Jon začytaŭ asnoŭnyja punkty skarhi, vysłuchaŭ dapaŭnieńni Hryhienčy, jaki davodziŭ, što jaho sudzili pa «falšyvym» pratakole, jaki nikim ź milicyjantaŭ nie padpisany. Ramanoŭski nie zadavoliŭ skarhu.
Hrodzienskija pravaabaroncy pierakananyja, što sprava Hryhienčy maje charaktar palityčnaha pieraśledu. A adbyvać aryšt Hryhienču nie biaruć zaraz, bo chočuć jaho pasadzić na dziesiać sutak padčas papiaredniaha hałasavańnia i ŭ dzień vybaraŭ. «Heta robicca dla taho, kab pazbavić Hryhienču jak aktyŭnaha vykryvalnika parušeńniaŭ vybarčaha zakanadaŭstva mahčymaści vieści nazirańnie za pracesam hałasavańnia», — paviedamili jany.
U Hrodnie 19 červienia, a 19:00 pačałasia akcyja salidarnaści sa źniavolenymi. Ludzi raściahnulisia łancuhom ad Doma Muraŭjova na Savieckaj płoščy da fiłarmonii. Mašyny, što prajazdžali mima, aktyŭna sihnalili. Ahułam ŭ łancuhu stajała blizu 600 čałaviek, zatrymali i ŭžo vyzvalili adnaho čałavieka.
Ježy Hryhienča — siabra Abjadnanaj hramadzianskaj partyi, siabra inicyjatyŭnaj hrupy Hanny Kanapackaj. U 2019 hodzie za ŭdzieł u niesankcyjanavanym masavym mierapryjemstvie (art.23.34) jaho sudzili za ŭdzieł u akcyi suprać intehracyi Biełarusi z Rasijaj, u 2017 — za ŭdzieł u Maršach niedarmajedaŭ.
-
Biełaruska z dvuma dziećmi ŭ Polščy ŭražanaja, kolki ludziej adhuknulisia na jaje historyju i dapamahli. I vielmi dziakuje čytačam «Našaj Nivy»
-
«Raźbilisia niepadalok ad młyna». Što kažuć miascovyja pra deltapłan, jaki raźbiŭsia ŭčora
-
U Minsku nazvali klučavyja miescy dla ahulnarespublikanskaha subotnika
Kamientary