Ministr zamiežnych spraŭ Litvy Kiastucis Budrys vykazaŭ padtrymku Jeŭrapiejskamu humanitarnamu ŭniviersitetu (EHU) paśla rašeńnia ŭładaŭ Biełarusi pryznać jaho «ekstremisckaj arhanizacyjaj».
«Krok Minska pa pryznańni «ekstremisckaj arhanizacyjaj» Jeŭrapiejskaha humanitarnaha ŭniviersiteta, akredytavanaha biełaruskaha ŭniviersiteta, jaki pracuje ŭ vyhnańni ŭ Vilni, źjaŭlajecca aburalnym.
Jon padviarhaje studentaŭ, vykładčykaŭ i ich siemji surjoznaj ryzycy i pieraškadžaje dostupu da niezaležnaj, abjektyŭnaj adukacyi.
Heta jašče adzin varožy krok z boku režymu Alaksandra Łukašenki suprać Litvy i ES. My hatovyja padtrymać supolnaść EHU», — napisaŭ Budrys u sacsietcy X.
14 krasavika stała viadoma, što Viarchoŭny sud Biełarusi pryznaŭ EHU i jaho struktury «ekstremisckaj arhanizacyjaj». U Hienprakuratury zajavili, što ŭniviersitet nibyta finansujecca zamiežnymi strukturami i rychtuje moładź «da realizacyi zachodnich scenaryjaŭ transfarmacyi palityčnaj sistemy, prasoŭvańnia tak zvanych demakratyčnych kaštoŭnaściaŭ, «alternatyŭnych» traktovak histaryčnych, kulturnych i inšych padziej».
Kamientary
Jaki ž heta varožy krok z boku suprać Litvy i ES, kali jon suprać Biełarusaŭ?. Letuva tolki karyści z hetaha univiersiteta zdymaje.