Ułady Sierbii pačali rasśledavańnie mahčymaj viarboŭki supracoŭnikam rasijskich śpiecsłužbaŭ vysokapastaŭlenaha čynoŭnika. Prezident krainy Alaksandr Vučyč daručyŭ Ahienctvu vajennaj biaśpieki pravieryć adpaviedny videazapis, jaki byŭ apublikavana ŭ youtube niekalki dzion tamu, na jakim mierkavany rasijski raźviedčyk pieradaje hrošy sierbskamu ahientu.
Śpiecsłužby krainy ŭžo paćvierdzili sapraŭdnaść zapisu, pieradaje Radyjo i telebačańnie Sierbii. Pa dadzienych žurnalista Chrysta Hrozieva, jaki supracoŭničaje z rasśledavalnaj hrupaj Bellingcat, na videa — namieśnik vajennaha ataše ŭ Białhradzie, supracoŭnik rasijskaj vajennaj raźviedki Hieorhij Kleban pieradaje hrošy svajmu ahientu ŭ Białhradzie. Hety čałaviek, jak miarkujecca, źjaŭlajecca aficeram sierbskaj raźviedki. Jahony tvar na videa razmyty.
Siońnia prezident Sierbii, jak čakajecca, abmiarkuje situacyju z kiraŭnictvam raźviedki, kontrraźviedki, a taksama Hienštaba ŭzbrojenych siłaŭ krainy. Paśla hetaha buduć apublikavanyja bolš padrabiaznyja źviestki, zajaviŭ ministr abarony Alaksandr Vulin. Jon nazvaŭ situacyju surjoznaj i adznačyŭ, što bačyć za hetym sprobu pieraškodzić tamu, kab Sierbija zastavałasia niejtralnaj u vajennych adnosinach krainaj.
Pamiž Maskvoj i Białhradam skłalisia tryvałyja palityčnyja i ekanamičnyja suviazi. Kreml taksama padtrymlivaje Sierbiju ŭ admovie pryznać niezaležnaść Kosava, a na ŭzbrajeńni sierbskaj armii znachodzicca rasijskaja technika. U pasolstvie Rasii ŭ Białhradzie infarmacyju pra mahčymuju viarboŭku vysokapastaŭlenaha sierbskaha čynoŭnika pakul nie kamientavali.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary