«Knihazbor» vypuściŭ 100-ju knihu! Heta kultavy piśmieńnik XIX stahodździa
Vydaviectva «Knihazbor» vypuściła 100-ju knihu. Heta «Vybranyja tvory» Vincenta Dunina-Marcinkieviča. Układańnie, pradmova i kamientary Jazepa Januškieviča.
Vydaviectva «Knihazbor» (raniej «Biełaruski knihazabor») było zasnavana ŭ 1995 hodzie. Vykanaŭčy dyrektar — Hienadź Viniarski, hałoŭny redaktar — Kastuś Ćvirka.
Samaja šmatlikaja — Sieryja I (čyrvonaja), dzie vyjšli mastackija knihi: ad Franciški Uršuli Radzivił, Jana Barščeŭskaha, Jana Čačota da Uładzimira Karatkieviča, Vasila Bykava, Hienadzia Buraŭkina, Łarysy Hienijuš. Byli taksama asobnyja tamy, pryśviečanyja biełaruskaj staražytnaj litaratury, tom «Fiłamaty i fiłarety», «Rasstralanaja litaratura». Asobnamu čałavieku pryśviačajecca asobny tom.
Sieryja II (zialonaja) praduhledžvaje vydańni navukovych ci publicystyčnych tvoraŭ tych ci inšych aŭtaraŭ. Vyjšła spadčyna Kastusia Kalinoŭskaha, Jaŭchima Karskaha, Mikoły Ułaščyka, Arsienia Lisa, Alaksandra Nadsana, «Padarožžy» Ihnata Damiejki.
Sieryja III (siniaja) mierkavałasia, jak pierakłady suśvietnaj litaratury. Vyjšli tamy Hiote i Dastajeŭskaha.
Knihi «Knihazbora» pradajucca va ŭsich kniharniach Biełarusi.
«Naša Niva» žadaje «Knihazboru» dasiahnuć rubiažu ŭ 200 knih.
Ciapier čytajuć
Kamientary