Padmiena (Changeling)
ZŠA, 2008, kalarovy i č/b, 141 chv.
Režysior: Klint Istvud
Roli vykonvajuć: Andželina Džoli, Džon Małkavič, Majkł Kieli, Džefry Donavan, Devan Konci, Emi Rajan
Žanr: drama
Adznaka: 8 (z 10)
Kali hierainia Krystyn Kolinz viarnułasia dadomu, to nie znajšła tam svajho syna. Praz kolki miesiacaŭ palicyja ŭračysta pieradała maci znojdzienaha chłopčyka. Ale heta było čužoje dzicia. Sproby maci daviedacca, što nasamreč stałasia ź jejnym synam, pryviaduć da pieraśledu, psichijatryčnaj lakarni i sustrečy z mańjakam…
Trymciennaja historyja, raskazanaja Klintam Istvudam, zasnavanaja na sapraŭdnych padziejach, što adbylisia ŭ 20-y hadach. Scenaryst stužki Majkł Stražynski, jaki raniej pracavaŭ reparcioram, natknuŭsia ŭ archivach Łos-Andželesa na spravu Krystyn Kolinz – i nie pavieryŭ svaim vačam. Historyja nahadvała šokavy tryler, da jakoha nie dadumaŭsia b anijaki dramaturh.
Ale scenaryst i režysior zrabili nie lehkadumnuju stužku, a praniźlivuju i hłybokuju dramu. Aktrysa Andželina Džoli, jakaja hraje hałoŭnuju hierainiu, demanstruje ŭ karcinie Istvuda tonki j dalikatny psichałahizm. Jana natchniałasia vobrazam svajoj maci, jakaja niadaŭna pamierła. Jejnaja Krystyn Kolinz – dalikatnaja i niazłomnaja ŭ svajoj čałaviečaj hodnaści.
“Pošuki praŭdy – asnova luboha apaviadańnia, – kaža Klint Istvud. – Kazać praŭdu – zadača dla sapraŭdnaha aktora, a baraćba za jaje napaŭniaje sensam žyćcio i kino, film i realnaść.”
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary