Premjer-ministr Vialikabrytanii Tereza Mej papiaredziła parłamientaryjaŭ, što admova ŭchvalić uzhodnieny z Bruselem varyjant «breksitu» pryviadzie da straty stabilnaści ŭ krainie, a taksama spravakuje pahrozu daterminovych vybaraŭ ci poŭnaj admieny «breksitu», piša bbc.com.
«U vypadku pravału ździełki [ź Jeŭrasajuzam] my apyniemsia ŭ niaźviedanych vodach, ja ščyra vieru i na samoj spravie bajusia taho, što heta adbudziecca», - skazała Mej ŭ razmovie z hazietaj Daily Mail.
Adnačasova pres-słužba premjer-ministra nazvała nie adpaviednymi rečaisnaści paviedamleńni haziet, jakija śćviardžajuć, što Mej płanuje pieranieści parłamienckaje hałasavańnie pa «breksicie», namiečanaje na aŭtorak, 11 śniežnia.
Damova ź Jeŭrasajuzam, pra jakuju idzie havorka, była dasiahnutaja Terezaj Mej jašče miesiac tamu - adnak jaje jašče pavinien uchvalić brytanski parłamient.
Samaja sprečnaja častka ździełki - pytańnie ab adzinaj suchaputnaj miažy Złučanaha Karaleŭstva ź ES, jaki pralahaŭ pamiž Paŭnočnaj Irłandyjaj i Irłandskaj Respublikaj. Ciapier hetaja miaža isnuje čysta naminalna.
Brytanski ŭrad uchvaliŭ prajekt pahadnieńnie ab umovach vychadu ź ES 15 listapada. Adnak apazicyja i mnostva členaŭ kirujučaj Kanservatyŭnaj partyi zajavili, što nie hatovyja padtrymać takuju ździełku.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary