Padatkovaja inśpiekcyja pravieryła kramu krasovak i spartyŭnaha adzieńnia — byli vyjaŭleny tavary biez markiroŭki, amal 25 000 rubloŭ vyručki, schavanaj ad padatkaŭ, a taksama parušeńni ŭ pracy z kasaj.
U padatkovaj padličyli, što košt prapanavanych da prodažu i ŭžo pradadzienych tavaraŭ biez markiroŭki skłaŭ kala 400 000 rubloŭ. Kasavaje abstalavańnie krama vykarystoŭvała nie pa miescy, ukazanym pry jaho rehistracyi.
Za ŭsie hetyja parušeńni pradprymalnika i vinavatych rabotnikaŭ pryciahnuć da administracyjnaj adkaznaści, taksama daviadziecca dapłacić padatki. Kab biźniesmien usio ž heta zrabiŭ, padatkovaja aryštavała tavar na sumu kala 190 000 rubloŭ.
— Nikoli nie pavierycie, pa jakoj canie nabyvaŭsia ŭ Maskvie spartyŭny abutak: u pradstaŭlenych nam nakładnych paznačana, što cana nabyćcia — 200 rasijskich rubloŭ (prykładna 7,40 biełaruskich). Z hetaj ža cany i vypłačvaŭsia ŭvozny PDV, — adznačyli ŭ padatkovaj.
U viedamstvie patłumačyli, što ŭ takim vypadku parušajucca patrabavańni pastanovy Savieta ministraŭ №713 «Ab sistemie rehulavańnia cen»: hraničnaja roźničnaja cana pry takoj canie zakupki pavinna była składać kala 20 rubloŭ. A faktyčna krasoŭki pradavali ŭ dyjapazonie 100—230 rubloŭ.
Za heta pradprymalniku pahražaje štraf u dvuchkratnym pamiery roźnicy pamiž faktyčna atrymanaj vyručkaj i raźlikovaj vieličynioj vyručki (pravavoje abhruntavańnie — častka 2 artykuła 13.2 KaAP).
Kamientary